وُردی چون ملجم اوغلی خفتدن

حیدری    شدت     عداوتدن


وُردی چون ملجم اوغلی خفتدن

حیدری    شدت     عداوتدن

مجتبی  امّته  اولوب     رهبر

تازه بیر بیعت آلدی     امتدن

شامیده     منتهی       معاویه

نگران  اولدی   بو   اطاعتدن

بصره و کوفیه ایکی جاسوس

یولاّ دی    بازی     سیاستدن

اولمیا    بی خبر      قضایادن

دوشمیه    کُرسی    خلافتدن

فاطمه  اوغلی بیلدی  جریانی

اوخودی خصم  الین  درایتدن

دستگیراولدی هرایکی  جاسوس

چاتدلار    کیفره      خیانتدن

یازدی   بیر نامه   ابن  سفییانه

چکه   تا  بلکه    اِل  خباثتدن

نامه  نین  پاسخون    معاویه

قیتروب   کینه   و عداوتدن

چکمیوب یعنی ال حکومتدن

اول  شقی  شدّتِ  شقاوتدن

نچه یول نامه لرگلوب گئتدی

اوجالوب  شعله لر شرارتدن

عاقبت  هندین اوغلی لشگرنن

نیّت جنگ ائدوب لجاجتدن

زر خرید  ائتدی  اهل دنیانی

ئوزدولر  امت ال  سعادتدن

سیم و زر برقینه اویان ملت

دئدیلر  بهره  یوخ عبادتدن

درک ائدوب  مجتبی بو ملتده

اقتدا    عاریدور   اصالتدن

بیلدیکی دوره سی دگول یکرنگ

سوز  گلور ظاهراً  ارادتدن

باطناً  گورمه دی   ئورکلرده

ذرّه جک بیر   اثر  اطاعتدن

اوقَدَر مردم ائِتدی    نامردی

حسنی  سالدلار   حمایتدن

مجتبی  سجده ده  زِرِه گیدی

درک ائله  دردی بو عبارتدن

نچه یول سوء قصد ائدوب امت

حضرته    شدّتِ     جهالتدن

حقینه چاتمیوردی صاحب حق

کئچدیلر   قاضیلر   قضاوتدن

حجّتین  ایسته دی  اِئده  کامل

عظم ائدوب جنگ ائده  شهامتدن

گورونه   کیملر  اهل  دنیادی

کیم دیور خنجر آلتدا   آزادی

ایله  دی  امر  جنگ  انصاره

بیر سپه  حاضر ائتدی  پیکاره

حَکَمی   دورد  مین   اتفاقیله

ائِله  دی   راهی    دارِ انباره

تا  کسه  راه  لشگر  شامی

دوشمیه شهرون اهلی آزاره

یوللادی پیک زاده ی سفیان

حکم  سست عهد بی عاره

نچه دیناره یعنی راضی سن

ائده سن پشت میر  احراره

شرفین نرخی اولدی بش یوزمین

قوشولوب    لشگر جفاکاره

حسنین هنگی قالدی بی سرهنگ

مرتضا اوغلی  قالدی آواره

لاجرم   بیر   بنی   مرادینی

جانشین  ائتدی اول تبه کاره

اودا   امّا آپاردی  وجدانین

یولداشی مثلی آتدی بازاره

تا حسن  ئوز ستادینه گلدی

گوردی   یوخ اعتماد افکاره

هرگجه دوتدی لشگرآمارین

گلدی    سِیرِ نزولی     آماره

مجتبی سینه سین سخوب  غملر

ئورگی  سندی گلدی  گفتاره

دئدی  ای ظاهراً   مسلمانلار

چکوسوز دینی هانسی معیاره

ثقلین    ارث دور     محمّدن

کشتی  رستگاری      احراره

لبروز  ذکری  وِردِ   قرآندی

ئورگوز   دشمن آل   اطهاره

آنّادوز  دینیدن    والاَلضالّین

واقفم   پشت  پرده    اسراره

مُتّقی  اولماز هر ائدن  سجده

اجری  یوخ آلنوز  اولسا گر یاره

گجه لر صبحه جک نماز ائتسوز

گئتمز ارزشده   نیم    دیناره

بیر   باخون  مسند   خلافتده

حاکم     غاصب     ستمکاره

ایها  النّاس  صلب  قدرتچون

وار   منیم   حاجتیم   هواداره

یا  اگر جنگه  اولموسوزمایل

صلحیدن سونرا یوخدی بیرچاره

ئوزوزی صاحب اختیار ائتدیم

آخرِ    حجّتیمدی       انصاره

ائشیدون ئوزاماموزون حکمون

ایلیون    منله   بیعت  همواره

مجتبا   سوزلره وئروب پایان

همهمه     گلدی ناگه حضاره

دئدیلر  مجتبی  ائدور سازش

ائتدیلر   حمله   پور   کراره

خیمه سین  یخدلار  مسلمانلار

اولانی   غارت   اولدی  یکباره

زره هی چاتدی بیر قوجا  شیخه

سپری      عابد     شب     تاره

قالمادی    جانمازیده       حتّی

جامه سی اولدی  جسمیده پاره

عبد   رحمان آدندا   بیر  مومن

یتیشوب  گج   بیراز بو  بازاره

یاپشوب    حضرتین    عباسینّن

حسنی   سالدی  بسکی  اجباره

چخادوب  اول   عبانی   اگنینّن

لعنت   اولسون  بئله   مددکاره

آیری   بیر   متّقی آدی    جرّاح

ابله   و کج  مرام   و    بیچاره

بیرعصا اَلده گلدی    خنجر دار

تیغی  گورسنمیوردی   انظاره

حسنی گوردی مرکب اوستونده

فاطمه    قلبین   ایله دی   یاره

مرکبین اوسته  وُردی  بیرضربه

امتین    ایچره     شاه  بی یاره

مجتبا   اولدی  سرنگون آتدان

اول   دلیم    لال  گلمه گفتاره

گور حساب آچدی کیملرین اوسته

مرتضا  اوغلی جنگ و پیکاره

اصله باخ فرعه باخ شریعته باخ

شاهه باخ  ملکه باخ رعیته باخ

قویدی  تک  امتی   او مولانی

یارانوب       جَوّ ِ    نابسامانی

حسنه       یولادی       معاویه

بیر   نچه   نامه تلخ و طوفانی

مجتبی  هر بیرین ائدوب رؤیت

یوزونه   آخدی اشک چشمانی

درک  اِئدوب  افسران اردوسی

نامه لر    یولّیوبلا       پنهانی

اولالار     دشمنه        پناهنده

بیلدیکی یوخ جهادون امکانی

بویوروب  ابن حارثه  فرمان

تا   یازا   صلح نامه  پیمانی

گرچه صلحه امام اولوب مجبور

جنگیدن کم دگولدی  میزانی

اول  عهده یازدی :  بسم الله

ایندیکی بوشدی جنگ  میدانی

من حسن چاره سیز قبول ائِتدیم

دولت   آلِ   ابنِ      سفیانی

وار ولی اونلابیرنچه شرطیم

اِئتمیه  نقض عهد  و  پیمانی

اولاً    بین    امت      اسلام

اِیلیه    جاری   حکم  قرآنی

ثانیاً   عمداً     ائتمیه   ضایع

سنّت     خاتم      رسولانی

سالیما    زاده یِ  ابو سفیان

امّت ایچره گرک   پریشانی

دئمیه   سجده    و قنوتینده

حضرت    مرتضایه  هذیانی

ائتمیه  جانشین  هچ شخصی

ئوزونه واردی هر قَدَرجانی

بو سایاق باغلانوبدی بیر پیمان

صلح اولوب گیرو دار پایانی

ظاهراً قورتاروبدی مشگللر

دایانوب بغض وکینه طغیانی

باطناً پشت پرده هند اوغلی

طی  اِئدوردی  ره کماکانی

هدفی اولدی   مجتبی قتلی

نقشه لرطرح اِئدوردی پنهانی

عاقبت نقشه لر  ثمر وِئردی

جُعدیه   آتدی   جاه  پیکانی

نجه   غم یخمادی  بو  دنیانی

اوندا کی جعده ائتدی عصیانی

ائله دی   زهری شیره  آغشته

باشنا   وُردی   فکر    شیطانی

الینه   آلدی   مجتبی     جامی

ائله دی  بیر   نگاه     طولانی

آخ چکوب کاسه نین سودون ایچدی

نظره   گتدی   قاسمون     آنی

قاسمیم گل دئِدی  یتیم اولدون

گل  بالا  اِئت    وداع    بابانی

اود دوتوب سینه سی دِئدی یاندم

چاک  ائدوب دردیدن گریبانی

گه گئدوب حالدان اِئتمه دی  ناله

گه  گلوب هوشه اِئتدی  افغانی

یاندروب  غصه   فاطمه قلبین

نالیه   گَتدی     فخر  نسوانی

ننه سی باخدی اوغلی چرپندی

او قَدَر  اولدی   وضع بحرانی

سیلیِ   ثانی  یاندران   گوزلر

ئوزونه توکدی اشک چشمانی

قوزانوب  دردیلن سنان   بازو

چاغروب     داده   حَیّ ِ منّانی

قاتله   وِئر  دِ ئدی   جزا یارب

حشریده  اِئت  قصاص عدوانی

بله کی  چرپنور حسن هیهات

بالاما    یوخدی چاره امکانی

(دئدیلر   اهل   بیته قاره گئیون)

(تَلَسون   مطلبی حسینه دئیون)

وِئردیلر تِئز   حسینه   اخباری

دئدیلر   چوخ  یوباتما دیداری

قارداشون زهریلن اولوب مسموم

سالدلار    درده    آلِ کراری

اوحسین کی هامی  اونی سسلر

فکر اِئدورسن اِئدوب نه رفتاری

دیزلری  اسدی مطلبی  بیلجک

غصه دن دوندی رنگ رخساری

گوزلرین یومدی  اوجِ  محنتدن

بیر آدی هی  دیوردی تکراری

بویوروب   سسلیون  ابالفضلی

یتیرون    تئِز  منه    علمداری