اود یاپیشدی سینه‌مه، لب‌لروندن اصغریم

بوشلا دوشلریم، اوپوم اللروندن اصغریم


اود یاپیشدی سینه‌مه، لب‌لروندن اصغریم

بوشلا دوشلریم، اوپوم اللروندن اصغریم

 

قوی سارالمیش عارضون سینه‌مه یاپیشدیریم

اودلی  یوز گوزونله، بیر سینه‌می آلیشدیریم

کوسمه منّتون چکیم، قوی سنی دانیشدیریم

لذّت ائله‌ییم شیرین دیللروندن اصغریم

 

من نه قدری قلبیمی غصه‌ده‌ن اووشدوروم

لب‌لرون نئجه قوری  دوشلریمه یووشدوروم

صبحه‌جک گر‌ک بئله وقتیمی سووشدورورم

بلکه صبح اولا فرج داوروندن اصغریم

 

ایلدن آرتیق اولدی  بو آخرین گئجون منه

اولمادی دیلون اوغول یاننام آغلارام سنه

آخ نئجه دینمدون چاره، یاندیم آی ننه

حشره‌جک یانام گر‌ک نیسگیلوندن اصغریم

 

چوخ اوزاندی از قضا، صبح اولوب همان گئجه

گلدی تیر حرمله چاتدی قالمادی گئجه

قان ایچینده اصغرین گوردی  بینوا نئجه

وای دئدی نه قان سوزور تللروندن اصغریم

 

هر گول اکدیم ای گولوم ، گلستانه سرمه‌دیم

یاز گوروب آیاز گوروب بیرجه شاخه درمدیم

پرپر اولدی  گول بالام، مخمل اوسته سرمه‌دیم

توشه اخذ ائدنمدیم  گل پروندن اصغریم

 

هانسی سود امر یئتیب بئیله نکته‌سنجییه

قاتلیله روبرو قویدی  پنجه پنجه‌یه

یاخشی طاقت ائیله‌دون اوخ وئر‌ن شکنجیه

وئر اجازه من اوپوم حنجروندن اصغریم

 

تشنه‌لیک آغارتدی گول صورتون ایپک کیمی

باغرینا باسیب آنون هی سنی اوره‌ک کیمی

ایندی قانلی صورتون رنگ آچیب چیچک کیمی

گل یوزون صفالیدی، پیکروندن اصغریم

 

باخسا حرمله دئدیم قصّه‌ی درازیوه

نرم اولار یاواش یاواش قلبی سوز و سازیوه

باغلی گورسه قوللارون آتماز، اوخ بوغازیوه

شرم ائدر او باغلانان شهپروندن اصغریم