گل زینبیم  آل اصغریمی سینه‌وی داغلا
من اصغره چوخ آغلامیشام، سن منه آغلا
یورقوندی  بالام وئرمه‌یین الد‌ن اله زینب
گهوار­یه سال، بلکه یاتیب دینجه‌له زینب


گل زینبیم  آل اصغریمی سینه‌وی داغلا
من اصغره چوخ آغلامیشام، سن منه آغلا
یورقوندی  بالام وئرمه‌یین الد‌ن اله زینب
گهوار­یه سال، بلکه یاتیب دینجه‌له زینب

لبخند ووروب زهریلی پیکانه هو‌سد‌ن
چالدی ال ایاق طایر جان چیخدی قفسد‌ن
باشی آخینیب سوزدی  گوزی  دوشدی  نفسد‌ن
سیندی بو گوز‌ل غنچه ده محنت بوداغیندان
اوپدوم بالامین قانلی یوزوند‌ن دوداغیندان

او‌ل باجی آچ معجمریوی باغلا یاراسین
اوندان گئدیب آگاه ائله‌یین بیکس آناسین
هئچ بیر آنا دوزمز، یارالی گورسه بالاسین
سن باخما ربابین بالا وای ناله‌سی گلمیر
قورخور اوتانام من، اد‌بیند‌ن سسی گلمیر

سن دوش قاباغا باجی بو بیر امر ثوابه
لازمدی تسلی وئریله ایندی ربابه
قلبمیده مینم وار سوزوم اول قلبی کبابه
دور منله گئد‌ک گوگلین آلاق، دردی آزالسین
هر درده دوزوب دایره‌ی صبریده قالسین

زینب او شهین خاطرینه دوشدی  قباقه
وئرسین خبر احوالی او رنجور فراقه
اصغر آناسی سیلدی گوزون دوردی  ایاقه
تئز بیلدی حسینین هد‌فین قلبی سیخیلدی
شاهین ایاقی آلتدا ذلیلانه ییخیلدی

عرض ائتدی آقا مقصدیوی بیلدیم از‌لده‌
گتدیم اودی  پیشوازیوه جان نقدینی الده
وئرسین سنه حق یاخشی جزالر بو عملده
شرمنده کنیزون سودی  یوخدی  الی بوشدی
اصغر سنین اوغلوندی ، تسلی سنه خوشدی

قربان گوزینه آغلاما یاندیرما ربابی
اشک غم و ماتمله بویاندیرما ربابی
سن بیل آناوین حقی اوتاندیرما ربابی
آخر نه تسلادی بو ای کان کرامت
اصغر سنینیدی منه وئرمیشدین امانت

صبحه کیمی من بو گئجه گوزیاش المیشدیم
قونداقنی تئز تئز گه آچیب گه بلمیشدیم
مین زحمتلن بو گئجه‌نی صبح ائلمیشدیم
صبح اولدی  گئجم حیف یامان گونلره قالدیم
آخر قوزی  قربانوی عطشان یولا سالدیم

گوردوم دوداقون قانین اور‌کد‌ن یارالاندیم
شش ماهه بالام چیخدی یادیمدان سنه یاندیم
آللاهدان ئولوم ایستدیم از بس کی اوتاندیم
قربانلیقا دیلسیز بالامین قییمتی یوخدی
ئولموشدی  سوسوزدان سنه هئچ منتی یوخدی

گول سولسا گلر بلبل او گلزاریده زاره
غم یوز وئرر البته خزان فصلی هزاره
گلشنده سنین ، گلده ، من اولدوم گونی  قاره
من دربدر‌م قوی نه گلوم گلشنیم اولسون
قانلی بلگی بوش بئشیگیلن منیم اولسون

من منزویم ناله‌می افلاکه یتیرر‌م
بیلمم نه زمان جانیمی جانانیمه وئرر‌م
اگنینده حسین کوینه‌گی مین حرمله گور‌م
هر تک تکی من تک اوتوروب بزم عزاده

گوزدن منه اوخشار ، عملا ابن زیاده