دولان قانیله قونداقی 
علی لای‌لای بالام لای‌لای
قیزاردان قانی توپراقی
علی لای‌لای بالام لای‌لای


دولان قانیله قونداقی
علی لای‌لای بالام لای‌لای
قیزاردان قانی توپراقی
علی لای‌لای بالام لای‌لای
گلستانین گولی سولسون
پوزولسون پایمال اولسون
بالا سن‌سیز رباب ئولسون
علی لای‌لای بالام لای‌لای
الیمد‌ن کیم سنی آلدی
بئله توپراقلارا سالدی
آنان یاخشی ملر قالدی
علی لای‌لای بالام لای‌لای
آنا دهرین بلاسیند‌ن
دونرمیش اوز بالاسیند‌ن
علی لای‌لای بالام لای‌لای
ایشیقلی اولدوزوم آتدین
منی توپراقیده یاتدین
نه تئز چیخدین ، نه تئز باتدین
علی لای‌لای بالام لای‌لای
آنان بو حالت زارون
گوروب  اولدی  گرفتارون
دو گل بوش قالدی گهوارون
علی لای‌لای بالام لای‌لای
سنی بی‌حال ائد‌ن اوخدی
یانان بو حالیوه چوخدی
ولی لای‌لای دیین یوخدی
علی لای‌لای بالام لای‌لای
کونول دردینله سرخوشدور
قوجاقیمده یرون بوشدور
اوزوم لای‌لای دیئم خوشدور
علی لای‌لای بالام لای‌لای
مگر دشمن امان وئردی
سنه رحمین نشان وئردی
گوروب سود یوخدی قان وئردی
علی لای‌لای بالام لای‌لای
علی سن‌سیز سنی آندیم
سمندر تک اودا یاندیم
سسیمه سس وئر اودلاندیم
علی لای‌لای بالام لای‌لای
شل اولسون قاتلون آخر
خزان ائتدی گولون آخر
نولوب شیرین دیلون آخر
علی لای‌لای بالام لای‌لای
اویان درد و بلان آللام
دورونجا سن اویاق قاللام
کئشیکچین من اوزوم اوللام
علی لای‌لای بالام لای‌لای
سودیله‌ن دولدی پستانیم
دور ای شمع شبستانیم
بهار باغ و بوستانیم
علی لای‌لای بالام لای‌لای
بو صرّاف سیه‌نامه
یتیردی شعرین اتمامه
یینه باشدان یازار خامه
علی لای‌لای بالام لای‌لای