(سرود  :بیات اصفهان)

ای منجی عالم هایانداسان گل

بو  جـهــانـه اَیــا شــه مجـلَّل

حالیمی گل ایلــه آقــا محـوَّل

سروریم-رهبریم -شـه اکـبـریم

هجرونده گل یاندوم مه انوریم


ای منجی عالم هایانداسان گل

بو  جـهــانـه اَیــا شــه مجـلَّل

حالیمی گل ایلــه آقــا محـوَّل

سروریم-رهبریم -شـه اکـبـریم

هجرونده گل یاندوم مه انوریم

سنسیز مـن نیـلیـوم   گوله بیلمیرم

بیر یـانـه گئـدیـب یـا گَله بیلمیرم

گوزوم یاشین یوزدن  سیله بیلمیرم

آیریلیق -آیریلیق- آمان آیریلیق

هربیر درد دن اولار یامان آیریلیق

گوزلرونده مولا گوزوم  قالیبدور

اورگیمده نیسگیل سوزوم قالیبدور

یانمیشام سنسیز من کوزوم قالیبدور

آیریلیق -آیریلیق- آمان آیریلیق

هربیر درد دن اولار یامان آیریلیق

آیریلیقدان قلبیم اولـوب شــکسته

آغلاماقدان اولدوم داها من خسته

قدملرون گل بو گـوزومون اوسته

آیریلیق -آیریلیق- آمان آیریلیق

هربیر درد دن اولار یامان آیریلیق

گل قورتار منی بو غم و محنتدن

بلکه سیلیم گوزوم یاشین عزتدن

قالخیزیم باشیمی  آقـا شوکتـدن

آیریلیق -آیریلیق- آمان آیریلیق

هربیر درد دن اولار یامان آیریلیق

یوسف فــاطــمه هایاندا قالدین

منسیز پس کاشانه هایاندا سالدین

اورگـیمـی آقــا  ازلدن آلدین

آیریلیق -آیریلیق- آمان آیریلیق

هربیر درد دن اولار یامان آیریلیق

عاشقم من سـنه آقـــا  بـلـبـل تک

ناز ائدورسن مـنه نـیـه بـیر گل تک

بو هجران ائدوب منی بیر کول تک

آیریلیق -آیریلیق- آمان آیریلیق

هربیر درد دن اولار یامان آیریلیق

پرده ی غیـبتـدن آقا عیان اول

بقیع و کربلایـه بـیـر سـال یول

اورگیمدن آقا محن اوخین یول

آیریلیق -آیریلیق- آمان آیریلیق

هربیر درد دن اولار یامان آیریلیق