سبک : گلپونه ها

عالم گلستانه دونر مهدی گلنده / یوزلر آچار گل

آزاد اولار حبسه دوشن پر بسته بلبل

گلسه دوتار دنیانی غوغا / ال سینه ده گوز یاشلی سسلن یابن زهرا

کیم عدله عاشقدور جهاندا سنی گوزلر سنی گوزلر

ورد ایلیوب آدون زباندا سنی گوزلر سنی گوزلر


عالم گلستانه دونر مهدی گلنده / یوزلر آچار گل

آزاد اولار حبسه دوشن پر بسته بلبل

گلسه دوتار دنیانی غوغا / ال سینه ده گوز یاشلی سسلن یابن زهرا

کیم عدله عاشقدور جهاندا سنی گوزلر سنی گوزلر

ورد ایلیوب آدون زباندا سنی گوزلر سنی گوزلر

 

سن گلمسون عالم سر و سامانه چاتماز

لطف ایتمسون امید الی دامانه چاتماز

گل قوی اورکلر غصه و غمدن قوتارسون / غمدن قوتارسون

زنگار دردی وصلتون دلدن آپارسون

قویما بیزی بی یار و مولا / چیخ ظاهره سن بیل ننون مظلومه زهرا

کیم عدله عاشقدور جهاندا /سنی گوزلر سنی گوزلر

ورد ایلیوب آدون زباندا/ سنی گوزلر سنی گوزلر

 

عالم گوزتلور معرفت ماهی گورونسون

یورقون اورکلر شاد اولوب گولسون سوونسون

انصافه مصحف دور سنون زیبا جمالون / عشق و خیالون

خیر کثیر عشقدور یاد و خیالون

سن سیز بیزه زنداندی دنیا / گل هارداسان روح مسیحا جان طاها

کیم عدله عاشقدور جهاندا/ سنی گوزلر سنی گوزلر

ورد ایلیوب آدون زباندا/ سنی گوزلر سنی گوزلر

 

سن گلمسون ایمان گلی دللرده بیتمز

گلسون ولی الله یولی گوزلرده ایتمز

شمشیروی شهپر ایله ایمان پر آچسون / خوش منظر آچسون

کفرین دیاریندن جنانه معبر آچسون

سن اولماسون عدل اولماز اجرا / گل دولت عدل علینی ایله برپا

کیم عدله عاشقدور جهاندا /سنی گوزلر سنی گوزلر

ورد ایلیوب آدون زباندا/سنی گوزلر سنی گوزلر

 

گل تشنه لر قوی جویبار عدله چاتسون

غملر دیزیندن شیعه لر باشین اوجاتسون