ای لاله زهرا مهدی مهدی
وی مفخر طاها مهدی مهدی
گل هارداسان مولا(2)

 


 
ای لاله زهرا مهدی مهدی
وی مفخر طاها مهدی مهدی
گل هارداسان مولا(2)

 

تز گل بشر غرق درد و غمدی
تز گل بساط قرآن برهمدی
شیعه گوزینده عالم مظلمدی
گون چیخمیور گویا مهدی مهدی

 

گل گورنجه عصمت دوشمش جاندان
غیرت کنار اولمش کم کمک قاندان
بی عفتی قالخور هر بیر یاندان
قرآن قالوب تنها مهدی مهدی

 

غرق ریا اولمش جاهل عالم
دوشمش بهاسیندن عقل سالم
عادللره اولمش ظالم حاکم
الدن گیدوب تقوا مهدی مهدی

 

قدرین ویروب الدن دین و ایمان
هیچ بیلمروک هاردا قالمش وجدان
هر نه بیلـور ایلور هـر کس الان
قدرت ایدور غوغا مهدی مهدی

 

هر گون اولور جاری کذب و بهتان
عاقل قالوب نادان ایلور جولان
علم اهلنی سیخمش دست دوران
جاهل اولوب دانا مهدی مهدی

 

حقی دئین دیللر ساکت اولمش
حسرت چکن یوزلر گل تک سولمش
گـوزلـر سرشگیله مـولا دولمش
هی سسلروک اما مهدی مهدی

 

دیللر دیور یاحق یا حق یاحق
حقدن خبر یوخدور اما مطلق
قالموب مسلماندا دین اسبق
اسلامه واویلا مهدی مهدی