ای گوزللر گوزلی گوزی عشقون غزلی
ایکی زیبا دوداقی مین غزلدن مزه لی
آلنی آئینه حق
یوزی قرآنه ورق


ای گوزللر گوزلی گوزی عشقون غزلی
ایکی زیبا دوداقی مین غزلدن مزه لی
آلنی آئینه حق
یوزی قرآنه ورق

گل ئوزوم لاله ئوزون صبح ئوزون ژاله ئوزون
طالع اول ای مه دین ماه ئوزون هاله ئوزون
سینه لر تنگه گلوب هارداسان گل آقاجان
شهد ئوزون شادی ئوزون غم ئوزون ناله ئوزون
سن آغیزلار دادیسان
شیعه نون هرزادیسان

اوستموزده وار آدون اودی فعلا عزیزوک
سنده دور هر عظمت ریزلرونده ریزوک
ناظم کل جهان سنسن ای مصلح دین
وار حضورون آقاجان غایب اصلی بیزوک
سن گزورسن علنی
بیز گورنمروک سنی

قلب آگاهی اولان سنی بی پرده گورور
هانسی سمته دولانور سنی منظرده گورور
برگ ریحاندا گورور جسمیده جاندا گورور
تک نه یرده عرفا سنی گوگلرده گورور
بورداسوز سیز آقاجان
گورمورک بیز آقاجان

بیر دولاندیر او گوزل دوز گورن دیده لری
عمـرلر قویمـا اولا هـرزلیکده سپری
بیز تاپانمروک سنی بیز گورنمروک سنی
سن دولاندیر گوزوی تاپ ایتن شیعه لری
شیعه نی ایله دعا
غصه دن ایله رها

گلشنون لاله لری خم ایدوب باش یولوا
گُل ایدور دست نسیم گونده شاباش یولوا
سنبلین ساچلارینی یل سپوب مقدووه
ولی بیز غفلتیلن دوزمشوک داش یولوا
دل دولی ریب و ریا
سسلروک مهدی بیا

گرچه ظاهـرده آقا تیکمشوک گوز یولوا
هی یازوب هی دیوروک گونده مین سوز یولوا
دوز یولی ایترموشوک دوشموشک آیری یولا
گل ئوزون هادی ایله بیزی چک ئوز یولوا
شیعه نی ایتمه رها
ئوزون اول راهنما

فقرا سینه سینه فرقتون ویرمیش اوخی
فقرانون آقاجان یاور و یاری یوخی
سنی دوز سسلینون سانی چوخ آزدی آقا
یولوی گوزلینون یول کسن اولدی چوخی
ای شه نیک تبار
بولاری گل ایله خوار