خلق اِئدَن بیرده چَتیندورعلی اکبریارادا

بو  محالت دی  ؛  چتین  اکبـرَه  بَنذَر  یارادا


خلق اِئدَن بیرده چَتیندورعلی اکبریارادا

بو  محالت دی  ؛  چتین  اکبـرَه  بَنذَر  یارادا

امر مشکل گورونور اکبر دیگر یارادا *

خِلقت و  خُلقینی ماننـد  پیمـبـر یارادا

بیرجوان مثل علی پاک و  مطهّر  یارادا

یاکه لیـلا تک او شـهزادیه مادر یارادا

یا کلام علی اکبر کـیمـی گـوهر یارادا

یا دانیشماقدا اونون مثلی سُخَنوَر یارادا

مَظهَرِ قَـهـرِ خُـداونــدیـه مَظهَر یارادا

عرصه جنگیـده بیر شیر هُـنـرور یارادا

قافِ زین اوسته اونون مثلی مُوَقّر یارادا

گورونوب  مثلینی  بو  چرخِ  فسونگر یارادا ؟

هانسی بیرکسدی که اکبرله برابر یارادا

یا  کـه قدرتده اونون مثلی دلاور یارادا

سرعت تیغینه بیر سرعت بـرتـر یارادا

یاکه شمشیرین اوجیندان یاغااَخگریارادا

یوخ یاراتماز یارادان بیرائله زیبا گؤزلی

اونی خـالـق بَگَنـوبـدور اولا لیلا گؤزلی

---

روز عاشور گلوب لشگره محشر یارادا

مثلینی حاش ایده تکرار و مکرّر  یارادا

یا که دعواده  ایله شخص مُظفَّر  یارادا

یا باشیندا یاشیل  عمّامه نی افسر یارادا

خم ابروسی کیمین بیرخم خنجر یارادا

چشم شهلاسینه تای ساقی و ساغر یارادا

تیرمژگانی کیمین  بیر ایتی نشتر یارادا

صورت ماهیـنـه  بـنـذر مـه انور یارادا

طرّة خم خـمی تک مشک معنبر یارادا

لب لعلـیـنده  اولان چشمة کوثر یارادا

یا  زنخدانـی کیمین چاه  مقعَّــر یاراد

قامت سروی کیمین سرو وصنوبر یارادا

اکبرون سینه سی تک سینه مرمریارادا

یا اونون اللری تک دست  توانگر یارادا

حُسنِ  رُخـسـارینی آئینـة  داور  یارادا

هاشمی خالی ئوزونده ائـده زیور یارادا

رُخِ رخشنـده سی  تک مهر منوّر یارادا

او لـیـاقتـده شَهِ  تشنه یَه یـاور یارادا

غـمینه خـاطـر سلطـانی مـکـدّر یارادا

لیلی دیلده اونون آدین ائده ازبر یارادا

ماتمینده آنـاسـی لیلینی مضطـر یارادا

اکبره اصغر شش مـاهــه بـرادر یارادا

اوچ یاشیندا بالا بیرقیز اونا خواهر یارادا

اولا دلـــداده رقـیّـه اونی دلـبر  یارادا

غم اکبرده  اونون دیـده لرین تر یارادا

یوخ یاراتماز یارادان بیرائله زیبا گؤزلی

اونی خـالـق بَگَنـوبـدور اولا لیلا گؤزلی

دَهُـم مـاهِ عزا غرق اولوب اکبر یارادا **

هم بدن یاره دی هم سینه همی سر یارادا

اولدی قانیله قیزیل گل کیمی احمر یارادا

بویانوب قانه سولوب گل کیمی پیکر یارادا

یارالار غُنچه مثـالی باش آچوب هر یارادا

غرق اؤلـوب گؤردی آنا سینة اکبر یارادا

قالدی اَلّلرسینه سینده ایکی گؤزلر یارادا

دیدی گُلدور سینون اوسته بالا پَرپَر یارادا

ای رُخی شبهِ رسولِ حـقِ یکتا گوزلیم

حقلیدور دوشسه اگرچوللره لیلا گوزلیم