مدینه عطر جان الدی شمیم زلف اکبردن
تاپوب نور نبوت تازه دن شبه پیبردن
طلوع ماه بطحانی بشارت وئردی یثریبده
هلال هاشمی تا آتدی پرده روی انوردن
جمالینان ولایت منزلی ایینه بند اولدی
بهشتی جلوه قدرت نمای حسن اکبردن
دل لیلانی دولدوردی سرور و بهجت وشادی
گوتورسون اولمیوب بیر لحظه گوز اول ماه منظردن
بو سوز ایلر تداعی اوزگه بیر مطلب خداوندا
او مطلب شرحینه شرمنده دور هر خامه دفتردن
علی اکبرین میلادی دی لال اول دیلیم زیرا 
گلور بوی وداع اکبر ولیلا او سوزلردن
دئمه نولدی او گونکی ایریلوب اکبر اناسیندان
که بیر ایتدی مطلق شورش و غوغای محشردن
بو شعری ارتجالا لطف اکبردن یازییب (عابد)
وگرنه رنجه دور جور سپهر سفله پروردن