ای وجودی نازنین                        زاده ام البنین

                                                آغلاما لایلای گل زیبا اباالفضلیم

                                                کربلاده قیزلارا سقا ابالفضلیم


ای وجودی نازنین                        زاده ام البنین

                                                آغلاما لایلای گل زیبا اباالفضلیم

                                                کربلاده قیزلارا سقا ابالفضلیم

 

گل عذاریم قارداشیم                    باوقاریم قارداشیم          

ایسترم من چوخ سنی                   افتخاریم قارداشیم

آغلاما لایلای گل زیبا اباالفضلیم

                                                کربلاده قیزلارا سقا ابالفضلیم

 

سن منه غمخوار سن                  عالی پرچمداری سن

لشکر اسلامیده                            سن سپهسالاریسن

آغلاما لایلای گل زیبا اباالفضلیم

                                                کربلاده قیزلارا سقا ابالفضلیم

 

ای وفالی یاوریم                           مرتضایه بنذریم

آغلاما سن سن منیم                    قارداشیم سرلشکریم

آغلاما لایلای گل زیبا اباالفضلیم

                                                کربلاده قیزلارا سقا ابالفضلیم

 

یاندی قلببیم بو سوزه                   قالمشوق بیز یوز یوزه

اوچ پر اوخ بیر گون دگر              سنده بو آغلار گوزه

آغلاما لایلای گل زیبا اباالفضلیم

                                                کربلاده قیزلارا سقا ابالفضلیم

 

باخما حیران صاق صولا                  بوینوما سن قول دولا

جان ویرنده تشنه لب                   چوخ چتین امکان اولا

آغلاما لایلای گل زیبا اباالفضلیم

                                                کربلاده قیزلارا سقا ابالفضلیم

 

دوره می اعدا آلار                      قارداشون یالقوز قالار

ال قویاندا من بیله                        شامون اهلی ال چالار

آغلاما لایلای گل زیبا اباالفضلیم

                                                کربلاده قیزلارا سقا ابالفضلیم