اهل قبیله گلموسوز دفن ایدسوز النلری

سیز کمک ایلیون منه من تانورام بدنلری


اهل قبیله گلموسوز دفن ایدسوز النلری

سیز کمک ایلیون منه من تانورام بدنلری

قافله کوچ  ایدنده من دشمنه دستگیریدیم

یرده قویوب بدنلری گیتماقا ناگزیریدی

مجلس کوفه ده اوزوم منده بو گون اسیریدم

امر خدا یتیشدی گیت دفن ایله جان ویرنلری

بو چولده منده  گلمیشم مجلس غم قورا گیدم

کاسه چشم پرنمی اشگیله دولدورام گیدم

بوردا آتام جنازه سین قبرینه تاپشورام گیدم

کوفه منتظردیلر باجیلاری حرملری

اوندا که ایستدی آتام بو چولی مسکن ایلسون

پول ویروب آلدی بو یری وادی ایمن ایلسون

دین فدا اولانلارین نعشینه مدفن ایلسون

تا که زارت ایلیه حشره تک ایستینلری

بیکس آتام حسیندی بو جسمده چوخ یاراسی وار

پیکری پاره پاره دور نه الی نه لباسی وار

دشمن الینده باشینون غصه لی مجراسی وار

سیر ایدن ال به ال اودور نیزه باشیندا چوللری

اوچگون اولور بو گون قالوب یرده بو جسم نازنین

ظلمله پایمال ایدوب آتلار ایاقی پیکرین

بند زر اوسته اهرمن کسدی بیلکدن اللرین

 گتدی بو چولده نالیه فاطمه نی پیمبری

سیز چکلون دورون باخون جمله جوان و پیریله

عالم غیبدن کمک وار من دستگیریله

تا که آتام جنازه سین قبره قویام حصیریله

گون قاباقیندا قالمیا دفن ایلیم او سروری

قارداشیم اکبری ایدوب قطعه به قطعه تیغ تیز

اولدی آتام حسین او دم قد خمیده اشکریز

قانلو جنازه سین قویون قبره ایاق طرفده سیز

بسکه آتاسی چوخ سور اوغلی علی اکبری

توش اولوب ای بنی اسد مین غمه بیر باشیم منیم

کشف الوری ئورک غمین گوزده کی قان یاشیم منیم

وار بو النلر ایچره بیر خورداجا قارداشیم منیم

دفن ایدرم آتاسینون سینه سی اوسته اصغری