بشارت سسی نُه سمادن گلور

یِره مژده عرش خدادن گلور

خبر خاتم الانبیادن گلور

گلن کیمدی سیر صفادن گلور

محمّددی کوه حرادن گلور

یا نبی ا...، یا نبی ا... (2)


بشارت سسی نُه سمادن گلور

یِره مژده عرش خدادن گلور

خبر خاتم الانبیادن گلور

گلن کیمدی سیر صفادن گلور

محمّددی کوه حرادن گلور

یا نبی ا...، یا نبی ا... (2)

بودور برترین پیشوا امّته

مقدّس وجودی سبب خلقته

آتوب کثرتی یول تاپوب وحدته

چاتار، کیم اَلین اُوپسه امنیّته

دله قدرت اول دلربادن گلور

محمّددی کوه حرادن گلور

نزول آسماندان ایدوب پیک حق

ذلنده گوزل سوره آدی علق

اوخور بسم رب، مفخر ما خلق

یِره نور رحمت توکور نه طبق

چهل ساله سالک دعادن گلور

محمّددی کوه حرادن گلور

نه موسی نه عیسی نه یونسدی بو

دل خلق بی یاره مونسدی بو

ستاره دیمه ماه مجسلدی بو

گر اُمّی ده اولسا مدرّسدی بو

که دانشگه لایُرادن گلور

محمّددی کوه حرادن گلور

نگاریم منیم گیتمه میش مکتبه

چاتوب معرفتده اوجا منصبه

اولوب عاشق عالم او خال لبه

سالوب ذکری عشّاقی تاب و تبه

دله شور او بانگ رسادن گلور

محمّددی کوه حرادن گلور

گلور بت شکن بُتلاری سندرا

گلور محبط وحیه پرچم وورا

قباقنده وار کیمده قدرت دورا

ایدور افتخار عرشه اُمُّ القُری

نوا مروه دن هم صفادن گلور

محمّددی کوه حرادن گلور

خدایا بو مشعل خموش اولماسون

یانان سینه سی درده توش اولماسون

جوشان چشمه سی بی خروش اولماسون

اورکده نجه جنب و جوش اولماسون

که یار عالمِ کبریادن گلور

محمّددی کوه حرادن گلور

او مرآت ایمان و روح صلاة

گلور خلقه ویرسون بلادن نجات

دی آختارما اسکندر آب حیات

بودور ساقی چشمه ی کائنات

ایچوب جرعه آب بقادن گلور

محمّددی کوه حرادن گلور

او خیرُالبشر عاشق نامدار

ایدوب یاریله رابطه برقرار

حرانین داغندان اوزی استوار

بودور شاه لولاک و رف رف سوار

پیاده حریم وفادن گلور

محمّددی کوه حرادن گلور

ایدور آسمان غبطه اجلالینه

باخور قدسیان مُنقلب حالینه

چاتوب طالب فیض اوز آمالینه

خلیل آفرین سویلور اقبالینه

ایدوب نفسی قربان منادن گلور

محمّددی کوه حرادن گلور

قویوب باشه تاج شرف اول سفیر

ایدوب حق اونی کائناته امیر

بو ارزنده شاهه علیدور وزیر

امین رسالت، بشیرٌ النَّذیر

دوتوب سبقت اهل ولادن گلور

محمّددی کوه حرادن گلور