گـل کـربوبـلادن مـنه بـیر آغـلا  ابـالـفضـل

یانمیش سینـَوی محـنتیـمـه  داغـلا  ابـالـفضل

جان اوسته آنان ،قبر ائوینه گئتمه میش اوغلوم

گـل  الّـَریـویلـه  گـوزومی  باغـلا  ابـالـفضـل



گـل کـربوبـلادن مـنه بـیر آغـلا  ابـالـفضـل

یانمیش سینـَوی محـنتیـمـه  داغـلا  ابـالـفضل

جان اوسته آنان ،قبر ائوینه گئتمه میش اوغلوم

گـل  الّـَریـویلـه  گـوزومی  باغـلا  ابـالـفضـل

پایانه چاتوب عمروم اوغول دادیمه تئز گل

گل حالِ پریشانیمی سن ایله محوَّل

هیجرونده اوغول ساچلاریم آغ اولدی مدلّل

بیر الّریوی قوی سینمه سوهرا ده دینجل

گـل  کـربوبـلادن  مـنه بـیر آغـلا  ابـالـفضـل

گـل  الّـَریـویلـه  گـوزومی  باغـلا  ابـالـفضـل

هئچ  بیلمزیدیم  اوغلی اولَنلَر نه چکیلّر

یانمیش   سینییه  غملی  بلادن  نه  اکیلّر

هر صبح مسا آخشاماجان قان  یاش اَلیلّر

بیلدیم کی  نیه  سینه لرون  غمده  دَلیلّر

گـل  کـربوبـلادن  مـنه بـیر آغـلا  ابـالـفضـل

گـل  الّـَریـویلـه  گـوزومی  باغـلا  ابـالـفضـل

عبدوالَّـهیوه  مـن  دئمیـشیدیم  گـله  جاقسان

نازین ده چگیب، گوز یاشینی هم سیله جاقسان

بیر گون  اولاجاق  کی   آتاویله   گوله جاقسان

هئـچ   بـیلمـزیدیم  کربوبلـاده  اولـه جـاقسان

گـل  کـربوبـلادن  مـنه بـیر آغـلا  ابـالـفضـل

گـل الّـَریـویلـه  گـوزومی  باغـلا  ابـالـفضـل

زینب  گتـیروبـدور  مـنه  سنـدن  علم  اوغلوم

فیکرون منی هئچ قویمادی بیر دم گولم اوغلوم

شرح ائتدی  نجور  قولّارین  اولدی  قلم اوغلوم

بیـر  بـیـله  مصیبتده  گـرگـدیر  اولـم  اوغـلوم

گـل  کـربوبـلادن  مـنه بـیر آغـلا  ابـالـفضـل

گـل الّـَریـویلـه  گـوزومی  باغـلا  ابـالـفضـل

فخر ایلیورم  اوغلوم علمدار  حسیندور

من  نوکر  زهرا  او  مـددکار  حسیندور

هم عاشق دلبسته دی،غمخوار حسیندور

هـم  کربـوبلاده  او  سـپه دار  حسیندور

گـل  کـربوبـلادن  مـنه بـیر آغـلا  ابـالـفضـل

گـل الّـَریـویلـه  گـوزومی  باغـلا  ابـالـفضـل

 

 (جواب حضرت ابالفضل)

 

 

اوچ پر دیوب اوخ گوزلریمه آغلیا بیلمم

چارم ندی پس  سینه  میده  داغلیا  بیلمم

نهر اوسته آنا مشکه گوره  مشکله دوشدوم

قـولّا ر گسیلیب  گوزلریوی  باغـلیا بیلمم

شرمنده  دی  اوغلون  آنا  اصغر  آناسیندان

گوز کولگه لیدور  حضرت  زهرا  بالاسیندان

نهر اوسته یاتوب قانی آخور هی یاراسیندان

شرمنده دی اوغلون گوزوون باغلاماسیندان

اوچ پر دیوب اوخ گوزلریمه آغلیا بیلمم

قولّار  گسیلیب  گوزلریوی  باغلیا  بیلمم

زینب  یئته جک  دادیوه  ای  اٌمِّ  علمدار

چوخ غم یئمه آغلار عوضیمدن سنه دلدار

داغلار سینه سین حالِ  پریشانیوه ، غمخوار

باغلار گوزووی من بیلورم هم  سنه اوخشار

اوچ پر دیوب اوخ گوزلریمه آغلیا بیلمم

قولّار  گسیلیب  گوزلریوی  باغلیا  بیلمم

عبدالَّهیمه  سویله  بـابان  گـلمـیه  جاقدور

دای آغلاماسین گوز یاشینی سیلمیه جاقدور

غملرده  یانوبدور  اورگی  گولـمیه  جاقدور

گوزلور یولووی هرکئجه فیکرینده  اویاقدیر

اوچ پر دیوب اوخ گوزلریمه آغلیا بیلمم

قولّار  گسیلیب  گوزلریوی  باغلیا  بیلمم