گوز یاشمـی یارالاریـوا مرهـم ایلـرم

بولسون هامی کی هریارانین بیردواسی وار


گوز یاشمـی یارالاریـوا مرهـم ایلـرم

بولسون هامی کی هریارانین بیردواسی وار

مرهم قبـول ایلمیـن یاره حشـره‌تک

زخم شهـادتین دی دوادن اباسی وار

باشدان ایاقه هر نه یارا جسموه دگوب

تک زینبون ئورکده بیر ایله یاراسی وار

چوخ یاره‌لر دگوب منه چوخ تازیانه دن

هر تازیانه نین بیر اوزون ماجراسی وار

فکر ایلدیم گئچن گجه تک قالدی قارداشیم

قلبیم دئـدی داریخما یانیندا آناسی‌ وار

هجرونده زینبین آغارار زلفی غم یئمز

چون قاره زلفدن قره بختین قراسی وار

درد و بلاسی باشیمیزون باشه یئتمیوب

الله بولور کـی باشیمیزون نه بلاسی وار

گـر چـه نوای نای غم‌انگیز اولور ولی

نـای دل یتیمه نون اوزگه نـواسی وار

بـی‌کس عیال و عترتوی تاپشیـر اللهـا

هر کیمسه نون کی هئچ کسی یوخدور خداسی وار

صحرایه قیزلارون نه دئسون قاچماسون حسین

بیر قوش کی آشیانه‌سی یاندی هاراسی وار

باشـون گئدوبـدی کوفیـه مهماندی خولیه

کـول باشیمـه حـکایت مطبـخ‌سراسی وار

کرب و بلا هواسـی بیـزه سـازش ائتمدی

شامه گئداخ گوراخ اورانین نـه هواسی وار

هر لحظه تازه بیر غمه گردون سـالور منی

هئچ بولموری کی بسدی غم کربلاسی وار

غـارت گونونـده ایلـه قیامت قوپوب بیزه

حاشا کی محشرون ایله محشر نماسی وار

معجرلر اوستـه ایلمشوق بسکـه کشمکش

هر معجرون هامی بوله مین جان بهاسی وار

اولـدی بهـار فصلـی گلستانیمیز خزان

نـه باغبان نه بلبلینـون بیـر صداسی وار

بلبل‌لرین گوزونـدن ایراق پایمال اولان

گل برگ‌لرده زاغ و زغن جای‌پا سی‌وار