ای دلیلِ   خلقت   عالم خانم  یا   فاطمه

تاپدی سندن عزّتین آدم خانم یا  فاطمه


ای دلیلِ   خلقت   عالم خانم  یا   فاطمه

تاپدی سندن عزّتین آدم خانم یا  فاطمه

ایلینده  ربّ اعلا ییله   سن   راز  و       نیاز

مُهریدی  یئر صفحة     عالم     سنینچین    جا  نماز

یوز  قویاندا  تپراقا  تپراق    اولاردی  سرفراز

گُل لرایچره هانسی گُل اولدی سنین تک عمری آز

چکمیسن آز عمریدة چوخ غم  خانم یا فاطمه

آدمه     سنسن       آنا    امّ     ابیها      شهرتین

فاطمه  یعنی  اوزاق  اوتدان   ایدَن   اوز     امّتین

اولسا محشر گورسنر واردی نقدری شوکتین

آدمی     مسجود   ایدن   اولدی    سنین   حیثیتین

نورچشم   حضرت  خاتم       خانم    یا    فاطمه

 اولماسیدی مرتضی اولمازدی بیر   همتا   سنه

هرگوزللیق  واردی  ویردی  خلق یکتا سنه

زُهره دن آرتیق ایشیقلیق چاتدی یازهرا سنه

حیف اولا غمخانه اولدی عُمریده دنیا سنه

ای  ولیّ   اعظمه    همدم   خانم  یا      فاطمه

سیرتین  چوخ  چوخ  گوزلدی  صورتین  پر نوردی

 سن مَلَک مسجودیسان خادم سنینچین حوردی

چوخ کچیک خشتی ائوین واقع ده کوهِ طوردی

درگهینده    خدمته     روح  القدس     مامور دی

قلّة  عشقه    ویران   پرچم    خانم    یا  فاطمه

وار یئری  یا  فاطمه  عالم   سیزه   پا  بوس   اولا

خلق ایدیپ الله سیزی تا رحمتی ملموس اولا

درگهیزده اولمادی بیرکس گلیپ مایوس اولا

بیلمدی     اما    عربلر  قدریزی    افسوس   اولا

عرض  عجز  ایلر  سیزه  حاتم  خانم  یا   فاطمه