ای اسم پاکی ورد زبان جهان اوغول

درمانده لر الیندن همیشه دوتان اوغول


ای اسم پاکی ورد زبان جهان اوغول

درمانده لر الیندن همیشه دوتان اوغول

بوسون نفسده غرق یم محنت اولموشام

جان اوسته سسلیرم آناوام هارداسان اوغول

هر کیمسه دوشسه مشگله سسلر هرایینه

باب الحوائج آدیوه قربان آنان اوغول

گوز تیکمیشم گلن یولوا مین امیدیله

چوخ قالمیری غمونده چیخا خسته جان اوغول

درک ایتمیوب نقدری اجل دهریده منی

قان آغلیم غمونده گرک من هر آن اوغول

بیرمشگ سو  دیوله کی قان آغلادوب سنی

بو نسگیلون اولوبدی منه چوخ گران اغول

نهری آلوب سو ایچمه میسن نفسیوه فدا

اوزنفسیوه خطاب ایلیوبسن دایان اوغول

دنیا بویی منیم باشیمی سن اوجاتمیسان

سندن رضااولوبدی شه انس وجان اوغول

فخر ایلیر آنان سنه دنیا و آخرت

عطشان دوداقه ویرمادون اصلا سودان اوغول

اولسون صودوم حلال سنه ای دلاوریم

کرببلاده ویردون عجب امتحان اوغول

درس وفانی عالمه تفسیر ایلدون

تدریس اولار قیامته جان هر زمان اوغول

اما آنان غمونده گرک سینه داغلیا

دلده غمون اولوبدی سنون بیکران اوغول

آتدان دوشنده سن یوزون اوسته یخلموسان

شرحین ایدوب باجون منه عینا بیان اغول

صدپاره پیکرون شه عبایه یغانمیوب

ترک ایلیوب جنازه وی اشک فشان اوغول

بانی اولوبدی نوحده مداح(باقری)

یاز دفترونده قارداشیوا نوحه خوان اوغول