نوحه و مرثیه ترکی
صفحات وبلاگ
کلمات کلیدی مطالب
نویسنده: خلیل انتظاری 09149054331 04263331161 - ۱۳۸٩/٩/٢٩

من ابوالفضلم جماعت، شهر‌تیم دوتموش جهانی

قدر‌ت الله  اوغلویام من، حیدر  کرار ثانی


من ابوالفضلم جماعت، شهر‌تیم دوتموش جهانی

قدر‌ت الله  اوغلویام من، حیدر  کرار ثانی

ـــــــــــــــــــــــــــــــــــــــــــــــــــــــــــــــــــــــــــــ

یادگار نامدار  غازی بدر و  حنینم

حیدر کرار آتامدور، مرتضا‌یه نور  عینمم

هم سپهسالار لشگر‌، هم علمدارحسینم

ائیلرم  ظاهر بو چولده، صولت شیر خدانی

ــــــــــــــــــــــــــــــــــــــــــــــــــــــــــــــــــــــــــــ

دیلده یوخ بیر ذره باکیم، گر دوتا دنیانی دشمن

اولدی  گرچه آل هاشیم، اولمایین اولمکدن‌ ایمن

قویمارام جنبنده سیزدن تیغ قهرآمیزیله من

چرخ اطلس  گورسه تیتر‌ر، بو حسام جانسیتانی

ـــــــــــــــــــــــــــــــــــــــــــــــــــــــــــــــــــــــــــــ

مجلس شورای جنگین، صاحب اور‌نگییم من

لشگر شاه حجازین، باهنر سرهنگیم من

بو کومکسیز پادشاهین چون وزیر جنگییم من

وئرسه رخصت ائیلرم بو عالم امکانی فانی

ـــــــــــــــــــــــــــــــــــــــــــــــــــــــــــــــــــــــــــــ

گر ائدم دعوایه اقدام، ای گروه پست فیطرت

قویمارام قالسین بو چولده بیر نفر سیزد‌ن سلامت

گئچمک اما باش جاندان، چون وظیفمدیر جماعت

قانیمیله دینه وئرر‌م، بیر حیات جاویدانی

ـــــــــــــــــــــــــــــــــــــــــــــــــــــــــــــــــــــــــــــ

بیشه‌  هیجاده شیر‌م، قاف رزم عنقاسییم من

هر فنون جنگ جنگی ایشلرین داراسییم من

عتر‌ت شیر خدانین، تشنه لب سقاسیم من

نهر علقمدن خیامه، باغلارام آب روانی

ـــــــــــــــــــــــــــــــــــــــــــــــــــــــــــــــــــــــــــــ

خیمه‌ده آغلیر سوسوزدان، عتر‌ت شاه مدینه

العطش فریادی یئردن، اوج ائدیر عرش برینه

چیگنیمه سالدی گلنده، بو قورو مشکی سکینه

ائیله‌دی سو التماسی، بیر منه گلدی گمانی

ـــــــــــــــــــــــــــــــــــــــــــــــــــــــــــــــــــــــــــــ

بو حسینی کی سپاهین، ائیلییب‌سیز قانه غلطان

جان زهرادور جماع‌ت، هم امام کون امکان

حجت‌الله بیلمیسیز گر، فرض ائدین سیز بیر مسلمان

قویمایین یانسین سوسوزدان، عترت  بی‌خانیمانی

ـــــــــــــــــــــــــــــــــــــــــــــــــــــــــــــــــــــــــــــ

ائیلدی اتمام حجت، لشگرره هر چند او سرو‌ر

اولمادی اصلا موثر، گلمه‌دی رحمه او لشگر

بیر نفر سسلندی اما، کی هنرو‌ر پور حیدر

ائیلمه سو اوسته بیجا، سن ملام‌ت شامیانی

ـــــــــــــــــــــــــــــــــــــــــــــــــــــــــــــــــــــــــــــ

گر ایکی ایشدن بو چولده، اولمیا بیر امره مجرا

یئر یوزین دولدورسا دریا، وئرمریک بیر قطره اصلا

یا گرک قارداشین اولسون، بئیعته دیلده‌ن مهیا

یا بو تشکیلاتی پوزسون، تیغ قیلسین حکمرانی

ـــــــــــــــــــــــــــــــــــــــــــــــــــــــــــــــــــــــــــــ

...

جنگ عباسی گوره‌نده، قودسییان گلدی نوایه

سس سسه وئردی ملکلرر، عرض قیلدی مرتضایه

ائیلیری عباس دعوا، یا علی باخ کربلایه

گوستریر  اوغلون حسینه، گور نه نوعی جانفشانی

ـــــــــــــــــــــــــــــــــــــــــــــــــــــــــــــــــــــــــــــ

بیر رشادت، بیر شجاعت ، گوستریب اول تشنه سقا

عرصه تنگ اولدو سپاهه، سیندی صفلر قاچدی اعدا

آلدی تا نهر فراتی فارس میدان هیجا

بیرقین نهر اوسته ووردی ، اول وفا و مهر کانی

ـــــــــــــــــــــــــــــــــــــــــــــــــــــــــــــــــــــــــــــ

لشگره سس دوشدی  آلدی، نهری بو یالقوز علمدار

خیمه ده ناگه ائشیتدی، بو سسی تشنه اوشاقلار

خیرداجا قیزلار سوویندی، داده گلدی آل اطهار

باشینا ییغدی سکینه، عتر‌ت آل عبانی

ـــــــــــــــــــــــــــــــــــــــــــــــــــــــــــــــــــــــــــــ

اللـ‌رینده بوش سو جامی، گلدیلر داده نوایه

یوز دولاندیردی خانیملار، بارگاه کبرییایه

عرض ائدیبلر بارالاها، حافظ اول صاحب لوایه

حفظ قیل شر عدود‌ن، یادگار مرتضا‌نی

ـــــــــــــــــــــــــــــــــــــــــــــــــــــــــــــــــــــــــــــ

...

اول قد‌ر گئچمیب، حسینین گول کیمی رنگی سارالدی

سسلنیب وای قارداشیم وای، زینبین آرامین آلدی

یعنی عباسین سو اوسته، قوللارین شام اهلی سالدی

اوخلانیب سو مشگی گئتدی، طاقت و  تاب و توانی

خلیل انتظاری 09149054331   04263331161
نوحه های شاعران سلف ترک زبان همواره در ذهن عاشقان دربار ملک پاسبان مولا آقا اباعبدالله از جایگاه ویژه ای برخوردار است و در کنار آنها اشعار شیرین سخنان معاصر نیز حلاوت خاصی را تداعی می کند. حقیر سعی دارد با جمع آوری و انتشار این اشعار بتواند خدمت هر چند ناچیزی را ارائه دهد .انتظار دارد با ارسال متن اشعار دست نویس یا اشعاری که دسترسی به آنان کمک شما را می طلبد این حقیر را یاری فرمائید. در ذکر منابع (به علت اینکه در فواصل متفاوت گردآوری گردیده و همچنین قرار بر انتشار آنها از طریق اینترنت نبوده)اگر قصوری بود به بزرگواری خودتان مورد عفو قرار داده و بنده را مطلع گردانید. این وبلاگ تنها و تنها به انتشار اشعار منقبت و مراثی چهارده معصوم اهتمام ورزیده و هیچگونه مطلبی به غیر اشعار و مطالب مربوط به اهل بیت درج نمی گردد
نویسندگان وبلاگ:
مطالب اخیر:
کدهای اضافی کاربر :