یاخشی قارداش رسم‌دی ائیلر فدا جان قارداشا

گؤزلریم اولسون ایکی دنیاده قوربان قارداشا


یاخشی قارداش رسم‌دی ائیلر فدا جان قارداشا

گؤزلریم اولسون ایکی دنیاده قوربان قارداشا

 

دوزدو محکم سدّی طغیان ائیله‌سه سئل سیندیرار

دال دالا وئرسه قوی‌دل دوشمنی ائل سیندیرار

بیر فقط دونیاده قارداش داغی‌دیر بئل سیندیرار

قارداش اؤلسه یوخ فنا دونیاده درمان قارداشا

سیندیرار سؤز یوخ اگر محکم وورولسا داش داشی

وار یئری توجیهه گر ترک ائتسه یولداش یولداشی

تک ولی قویماز یامان گونلرده قارداش قارداشی

احتیاجین وار یامان گونلرده هر آن قارداشا

...

عاشق وارستة جانان اولان باشدان گئچر

سوز آهی گؤر نئجه تأثیر ائدر داشدان گئچر

کیم حسین تک شیردل غیرتلی قارداشدان گئچر

بیر به بیر ائتدی سفارش شاه عطشان قارداشا

بو سفارش باغلادی صد حیف او شیرین قوللارین

کسدی دوشن مکریله مور و ملخ تک یوللارین

توپراق اوسته سالدیلار آخر او سروین خوللارین

اوز دوتوب اخیامه دردین ائتدی عنوان قارداشا

عرض ائدیب تئز گل حسین دیداریمه طاها گلیب

قتلگه‌ده ائیله‌سین بزم عزا برپا گلیب

اللی پهلولرینده قدّی خم زهرا گلیب

امر ائدر سسله حسینی بیر دئنه‌ن جان قارداشا

سن یئتیردین عاقبت باشه گؤزل پیمانیوی

گؤردو دوشمنلر بو چؤلده قدرت ایمانیوی

شاهراه عشقده قوربان ائدیبسن جانیوی

بی‌تمنا ای مجاهد! سن ده قوربان قارداشا