قالدی شاه مظلومان ایستی قوملار اوستونده 
هم یارالی هم عریان ایستی قوملار اوستونده 
یا حسین حسین مظلوم 


قالدی شاه مظلومان ایستی قوملار اوستونده
هم یارالی هم عریان ایستی قوملار اوستونده
یا حسین حسین مظلوم
****
تاپدی قارداشین زینب داشلار آلتدا مقتلده
قطع اولان دامارلاردان ویـردی بوسـه اولـده
وار گوزوم دیدی قارداش سـاربان کسن الـده
یاتموسان باجون قربان ایستی قوملار اوستونده
****
کاروان گیدور شامه قتلگهه مسیریندن
قالمیـوب نشـان حتّـی خیمه‌لــر حصرینـدن
روزگار آلوب طاقت آیریلیق اسیریندن
قان آخوب یاتوب جانان ایستی قوملار اوستونده
اول جنازه‌نی زینب قبلیه دولاندیردی
ایلـد‌ی گونه شکوه سیریـدن دایاندیـردی
چوخ حرارتین سالما گون بو جسمی یاندیردی
یاندی بوسوسوز مهمان ایستی قوملار اوستونده
****
باجیلار هراسانـدی یوخ یانیندا قارداشلار
مقتله دوشوب پیکر نیزیـه چیخوب باشلار
بس هاچان سوسوز لبلر کهفین آیه‌سین باشلار
وار ورق ورق قرآن ایستی قوملار اوستونده
****
بو عزایه گویلردن ویر خبر ملک گلسین
کیمسه یوخـدی یا زهرا زینبه کمک گلسین
لاله‌لر اولوب پرپر نالیه فلک گلسین
صولدی لاله‌ی رضوان ایستی قوملار اوستونده