نجه کی اوز باباسینه زهرا         افتخاریدی مثل  جان اولدی

قیزی زینبده گوز آچان گوندن       زینت  میر مومنان اولدی


نجه کی اوز باباسینه زهرا         افتخاریدی مثل  جان اولدی

قیزی زینبده گوز آچان گوندن       زینت  میر مومنان اولدی

 

تا جهانه خانم  قدم قویدی         گوزلر اولدی جمالینه روشن

دولدورب شوریله امامت ائوین       گوردی هر کیمسه شادمان اولدی

 

عالمی دولدوروب محبتله      آغلادی داغلیئب اورکلرینی

اولمیوب لحظه ساکت هر نقدر     اوخشیان لالای چالان اولدی

 

بیر کسه آچماییبدی گوزلرینی           تا آلیب دی  حسین قوجاقینه

بلبل آلدی او دم گولون عطرین         یارین عشقینده نغمه خوان اولدی

 

گل کیمی دوشدی الدن اله        هر باخیشدان ایچیب بیرآز  اما

تا چاتیب کوی عشق تشنه سینه     جام وحدت ده همزبان اولدی

 

عشقه صاحب اولوب باجی قارداش       وصفینه یوخ قلمده توان

بومحبتده یاریله یولداش           نه گلیب نه دیوب یازان اولدی

 

آنالار دوغمیوب اونا همسان     او گولی فاطمه بجرتمیشیدی

ایلوب جرعه نوش ایوبی       صبری بیحد و بیکران اولدی

 

گچدی گونلر ورقلنیب تاریخ     بوی آتیب باغ مرتضاده خانیم

مکتب عشقده اولوب استاد            صاحب قدرت بیان اولدی

 

گون دولاندی رجب آیین      آخیری آیرلوب آناسیندن

دولانیب قارداشیلا کرببلا      دشتنیه چاتدی میهمان اولدی

 

کربلا دشتی  اولدی عاشورا     گجه نی  صبح ائدوب مجاهدلر

روبرو اولدی نوریله ظلمت     بیله فکر ایت کی حشر عیان اولدی

 

گئجه نی صبحه جک خانیم باخدی          دویا بلکه بیر آز حسینوندن

عطشین آرتیریب قران صوتی         بیلمدی هئچ سحر هاچان اولدی

 

سحرون تا آچیلدی گوزی        گون خجالت اولوب اوجالماقدان

جنگ باشلاندی اول بلا دشتی       قوزانیب غم توزی دومان اولدی

 

باغلانیب سو یولی جفاییله     دیل  دوداقلار یاپوشدی بیر بیرینه

گتدی سقا فراته سو گتوره           سو قضادن دولاندی قان اولدی

 

عزتیله مسافرین یولونا          سو یوخیدی اورک قانین جالادی

دالیجا ایله باخدی حسرتیله          یازیلیب شعرلر دیوان اولدی

 

تاریخین ان بویون  بورویوب     آیریلیق چاقی صحیبتین خبری

التماس ایلوب  نماز شبه           قارداشی مقتله روان اولدی

 

هر نه گوردی نه اولدی اوگون        خانیم حقین یولون گوزل گوردی

دین یولوندا آخان قانلار            خانما قدرت و توان  اولدی

 

یاره اوسته ن ویرلدی یارا            بورونوب یارییه    مجاهدلر

بیر به بیر پرپر اولدی گلشن عشق       کربلا دشتی گلستان اولدی

 

دولانوب کربلا چولونی           یوخودی بیرجه مرد آزاده

خنجر آلتیندا گوللری سولدی     هریانا باخدی قلبی قان اولدی

 

شیرزن شیرزن بجرتمیشدی        یوخسا اول یامان چاغدا

جراتیله یالین خنجر                 قتلگهده مگر دوتان  اولدی

 

کیمده جرات واریدی ال باشدا       یول آچا قتلگاهه لشگردن

بیر بولوک تشنه غصه لی حرمه       قانلی صحراده پاسبان اولدی

 

قان ایچینده گورنده خانم          ایاق التدا گولی اولور پرپر

تاپمادی درده آیری بیر چاره     یارالی جسمه سایبان اولدی

 

ال اوزوب جمله یار و یولداشدان        اولمادی سس ویرن سسینه

ایله سسلندی یا رسول الله         شعله آهی یاندیران اولدی

 

قان توکن لر توکولدی خیمه لره       اود ویریلدی یانان اورکلرینه

اوتا پروانه تک ویروب شهپر       جان جانانه جانفشان اولدی

 

گوردی کی خیمه ده امام زمان     عطش و غصه دن توانسیزدی

اوزونی یانار اوتلارا آتدی            حجت اللهی  قورتاران اولدی

 

او چولون ماجراسی بیرطرفه         آلتی ایلیق بالاسی بر طرفه

اوخلاناندا ستمله گول بوغازی         قارداشا همدم اول زمان اولدی

 

کربلا ماجراسی قورتاردی           کوفه نون ابتلاسی باشلاندی

نیزه باشینده داشلانیب باشلار      یرده  قزلار داشا نشان اولدی

 

قلمیم تیترمه ایتیرمه اووزن        باخ علینون قیزیندا غیرته سن

اولدی محنت شریکی قارداشینا         پرچم دینی ساخلیان اولدی

 

ناگران اولدی کوفه وضعیندن           باشلادی مرتضا کیمی خطبه

بت لاری سیندیربدی ابراهیم         ضربه سی خصمه جانستان اولدی

 

کوفه ده طعنه ایلدی دشمن             نجه گوردون حقیله قارداشیوی

ویردی بیر سیندیران جواب اونا        خوش بزه هر نه امتحان اولدی

 

تا گوروب یوخلیوبدی کوفه لیلر       های ویروب عالمی اویاتدی  خانم

بیلمیرم نیزه ده نه گوردی  ولی         آلیشب یاندی ناتوان اولدی

 

دیدی ای زینبین دوتولمش آیی          نه یامان وقته دادیمه گلدون

هچ بله صحنه نی اینانمازدیم            نیزه باشی سنه مکان اولدی

 

سسیوه لحنیوه علاقم وار        دیمیر م  هیچ ولی منی دیندیر

بیر دانیشدیر بو سینمه سیخیلان      قزوون طاقتی تالان اولدی

 

اوخی قرانی نیزده قارداش      تا وارام من وارام سنه یولداش

گلرم عشقویله من بیر باش     هر یئره کی باشون روان اولدی

 

هلهله ایلیوردی کوفه لیلر        اوره گین یاندیراردی خاطره لر

چاره سیز دردینه اوحالدا دوا        نیزه دن باشلانان  قران اولدی

 

ایشیدیب بیر حجازی سس بیردن       اوخویور کهف عشقی ازبردن

قاناد آچدی دوباره جان تاپدی         دلبرین گوردی شادمان اولدی

 

گرچه  آز وقتیده قوجالدی خانم        گون به گون اوج ائدیب اوجالدی خانم

پرچم حقی وردی شاماته           سیندیریب ظلمی قهرمان اولدی