آلاله ی بهشت پیمبردی فاطمه

وحدت حدیقه سینده صنوبردی فاطمه


آلاله ی بهشت پیمبردی فاطمه

وحدت حدیقه سینده صنوبردی فاطمه

هرچند قدر و قیمتی مجهول اولوب ولی

گنجینه ی نبوّته گوهردی فاطمه

مبهوتدور عیارینه صرّاف روزگار

مین دُرّ شاهواره برابردی فاطمه

عاجزدی شرح مدحتینه اهل فضل چون

آئینه ی فضیلت داوردی فاطمه

شان و شرفده عالم امکاندا مثلی یوخ

ا...ُ نوره، جلوه ده مظهردی فاطمه

نور سراج مصطفوی مشعل نجات

بزم ولاده شمع منوّردی فاطمه

شمسُ الضّحی محمّد و بدرُ الدّجی علی

اول نسبتیله زهره ی ازهردی فاطمه

میر امم علیدی نجاتین سفینه سی

عالمده اول سفینیه لنگردی فاطمه

مهد ولاده اون بیر امامین آناسیدی

گردونه ی ولایته محوردی فاطمه

زینب کیمی بو جامعه ده جامع العلوم

جان شیره سیله نابغه پروردی فاطمه

قائل اولان ولایته باک ایلمز، نه چون

یوم جزاده حاکم محشردی فاطمه

هاجر محالیدور چاتا عزّتده شانینه

مافوق شان حضرت هاجردی فاطمه

مریم هارا بتول هارا فضل پایه ده

مین مریم مقدّسه سروردی فاطمه

وصف جلالی مصحف مُنزلده درج اولوب

نصّ صریح سوره ی کوثردی فاطمه

زهد و عفاف و عصمت و تقواده بی نظیر

حلم و ثبات و حکمته زیوردی فاطمه

تندیس عفّت و شرف و عصمت و حجاب

مصداق شرم و آیت معجردی فاطمه

کوی وفاده کعبه ی مقصوده چاتماقا

سیر سلوک اهلینه رهبردی فاطمه

عالمده اهل کفر و نفاقین تِفاقینی

همّتله یاندیروب یاخان اخگردی فاطمه

مین لر بلا ولایته خاطر گوروب دوزوب

چون حامی ولایت حیدردی فاطمه

ظالم برابرینده دوران دفع ظلم اوچون

کسگینلی ذوالفقار دوپیکردی فاطمه

فوج بلا تهاجم ایدنده ولایته

شاه ولایته جانیله یاوردی فاطمه

باغ فدک بهانه دی احقاق حقّ اوچون

دنیایه اوز ثباتینی گوستردی فاطمه

زهرا اولان مکاندا سپاهه نه احتیاج

مولایه تک وجودیله لشکردی فاطمه

یاللعجب بو شانیله دشمن اوتانمادی

آخِر رسول اکرمه دلبردی فاطمه

درگاهینه هجوم ایلیوب اود ووران مگر

بولموردی شاه عالمه همسردی فاطمه

امر ایتدی یاندیرون وورون اود بارگاهینه

من بولمرم حبیبه ی داوردی فاطمه

خوف ایتمیون تلاش ایلیون یاندیرون آچون

بولمم قاپی دالنداکی حیدردی؟ فاطمه

لال اول دلیم حکایته چوخ ویرمه شرح و بسط

شرم ایت، اوتان عزیز پیمبردی فاطمه

مسمار، دشنه، حمله، عدو، اود او حالیده

شرم ایلوری قلم یازا، نیلردی فاطمه

غصب فدک حکایت سقط جنینیله

بیر حاله سالدی که اُلوم ایستردی فاطمه

اولدی اولان خلاصه، گوروب چاره یوخ گرک

ترک ایلسون جهانی، مقدّردی فاطمه

یوز دوتدی اوز عم اوغلوسونا سویلیوب سنه

عفو ایت ویرور بو زحمت آخِردی فاطمه

بولمم ندن گجه ایله دیدی دفن و کفن ایله

گوردون او لحظه گل کیمی پرپردی فاطمه

اولما رضا مزاریمی دشنلر آنلاسون

گیزلینجه دفن و کفن اولا بهتردی فاطمه

چوخ اینجیدیم جهاندا بو قوم پلیدیدن

ا... بولور نه قدر مکدّردی فاطمه

بو قومدان رضا دگل آگاهسن اوزون

مقتول جهل قوم ستمگردی فاطمه

«شبخیز» ایتمه غم که گنهکار بنده سن

محشر گونی شفیعه ی محشردی فاطمه