عم اوغلی ای شه خوبان
باشیم اۆسته اوخی قرآن
اولا زهرا سنه قربان
سنی مظلوم حسین جانی
باخیب آغلاتما زهرانی


عم اوغلی ای شه خوبان
باشیم اۆسته اوخی قرآن
اولا زهرا سنه قربان
سنی مظلوم حسین جانی
باخیب آغلاتما زهرانی

 

سنیله اولموشام همدم
بو ائوده دوققوز ایل باهم
گل ای عیسی نفس وئر دم
سنی مظلوم حسین جانی
باخیب آغلاتما زهرانی

غمیمده مجتبی آغلار
قیزیم کلثوم ئورک داغلار
باشا زینب قارا باغلار
سنی مظلوم حسین جانی
باخیب آغلاتما زهرانی

 اجازه وئر دئییم بیر سوز
فراقیمده یئمه غم دوز
حسینیمدن  گوتورمه گوز
سنی مظلوم حسین جانی
باخیب آغلاتما زهرانی

 

یئتیمه قێزلاریم قالسین
اوزۆندن عطریمی آلسین
باشا شال عزا سالسین
سنی مظلوم حسین جانی
باخیب آغلاتما زهرانی

 

پوزۇلما شور شین مد‌ن
مواظب اول دو عینیمدن
علی‌التخصیص حسینیمد‌ن
سنی مظلوم حسین جانی
باخیب آغلاتما زهرانی

 اوزون وئر غسل و کفن ائیله
اماندیر قبری پهن ائیله
گئجه وقتینده دفن ائیله
سنی مظلوم حسین جانی
باخیب آغلاتما زهرانی

گورورلر گر یریم خالی
پوزولسا قێزلارین حالی
نوازش ائیله اطفالی
سنی مظلوم حسین جانی
باخیب آغلاتما زهرانی

 عم اوغلی قویما اهل کین
وورا تابوتیمه دستین
منی دفن ائت گئجه گیزلین
سنی مظلوم حسین جانی
باخیب آغلاتما زهرانی

 وئریب دم حضرت زهرا
بۇ اشعاره اولۇب انشا
اۇمۇدۇم وار ائده امضاء
سنی مظلوم حسین جانی
باخیب آغلاتما زهرانی

 غمیمده هر زمان غمگین
توکر رخسارینه اشگین
اوزوم بذل ائیلر‌م اجرین
سنی مظلوم حسین جانی
باخیب آغلاتما زهرانی