حسین دیوانه سی عاقلدی وا...

بیزه ایراد ایدن غافلدی وا...

طواف کعبه زمزم دستمازی

حسینسیز مطلقاً باطلدی وا...


حسین دیوانه سی عاقلدی وا...

بیزه ایراد ایدن غافلدی وا...

طواف کعبه زمزم دستمازی

حسینسیز مطلقاً باطلدی وا...

یاپشسون حلقه ی بیت خدادن

کفن گیسون لباس انبیادن

اَل اوزسون دامن آل عبادن

بهشته گیتاماقا حائلدی وا...

بیری مین ایل ایده قرآن تلاوت

تیکانلیقدا سالا محراب طاعت

همیشه باغلیا سنک قناعت

ایده آج قارننا بیر عمر عبادت

چکه سعی و صفاده چوخ ریاضت

ایده ابلیس تک عرشی زیارت

اورکده اولماسا حبّ ولایت

حسینه ایتمسه عرض ارادت

وجودی یانماقا شاملدی وا...

بیری معروف اولا جرم و خطایه

یوزی قاره، گناهی فوق العاده

قرا کوینک گیه بزم عزاده

دیه ای کاش اولِیدیم کربلاده

اُلنده پیکری قالسا اراده

نمازین قیلماسا گر شیخ ساده

حسین قویماز خجل گَلسون معاده

گنه سوز وار حدیثِ مَن بَکاده

شفاعت قولینه داخلدی وا...

بیر عدّه منشی بی عقل و مایه

ایدور اوز رایینه تفسیر آیه

اصولیّون سالوب مغزین خطایه

دیوللر عالماً‌ بو ماجرایه

نیه گیتدی حسین کرب و بلایه

او شخصون شکّی وار قالو بلایه

اودور قائل اولوب چون و چرایه

اولا سُقراطه گر هم درس و پایه

شهادت سرّینه جاهلدی وا...

آتام قربان او شاه سرفرازه

آنام قربان او نحر اولموش بوغازه

گوزوم قربان حسین قان دستمازه

باشوندا عاشقان پاکبازه

او نصرانی طبیب اهل رازه

سنی گورجاق تاپوب اسلامی تازه

تشهّد ذکر ایدوب آلدی اجازه

دیدی به به یتیشدیم امتیازه

مسیحادن حسین قابلدی وا...

حسین باش سجده ده ذکر و دعاده

ایدوب دورت شخص اونی بیردن اراده

اَوَل شمر اول سگ بی خانواده

صورا جبریل آچوب شهپر هواده

اوچومجی فاطمِیدی سرگشاده

امان دوردیمجیسیندن گَلدی داده

چخوبدور خیمه دن زینب پیاده

گوروب شمری دوروب عرش خداده

ایدوب حمله دیدی ای پست زاده

سمایه باخ، بلا نازلدی وا...

نمونه معجز عشق آفریندن

گوروب مجنون بیر آهو گوزلریندن

که اوخشار لیلیه خوش منظریندن

دوتوب صیّادون عریان خنجریندن

دیدی بو دلسیزون قورخ کیفریندن

منی اُلدور، اونون اوپ حنجریندن

بو بیر صحبتدی مجنون دفتریندن

گَل اورگَش عشقی زینب محضریندن

هامی عشّاقیدن کاملدی وا...

نجه پروانه عشقون ساغریندن

اولوب مست اَل چَکَر بال و پریندن

گیچوب عشق اوسته زینب شهپریندن

آیردی شمری شاهون پیکر یندن

یاپشدی خنجر کین پروریندن

دیدی ظالم حیا قیل داوریندن

سن اَُلدورمه، اوتان پیغمبریندن

اورکده بیر یارا وار اکبریندن

همان یاره بونا قاتلدی وا...

گوز آچدی ناگهان سلطان محشر

دیدی یالوارما ای غم دیده خواهر

قِییت سن خیمیه، اولما مکدّر

گرک بیر من قالام بیر شمر کافر

اونا بیر سود ویروب ناپاک مادر

نه بیر ا... تانور بو نه پیمبر

دیسَن رحم ایت بیر آزدا شدّت ایلر

نصیحت ایتسه لر مین ایل مکرّر

بو قتله شمر دون عاملدی وا...

نه قدری خلقتون وار انتظامی

قالار بو شمر ایدن ظلمون دوامی

اولونجا قائمون روز قیامی

سالالّار شبهیه خلق عوامی

بوتون تبلیغ اولار سنّی مرامی

حسینی منزوی سن دوت گرامی

ایشیتسون شعریوی شمرون غلامی

ایده تکذیب کیم علم امامی

مقامی اَسفَلُ السّافلدی وا...