گل باجوون ترک ایلیور غصه لی دونیانی حسین

صون نفسده گزوری سن کیمی جانانی حسین


گل باجوون ترک ایلیور غصه لی دونیانی حسین

صون نفسده گزوری سن کیمی جانانی حسین

ایلیوب عشقون ازلدن منی دلبسته سنه

باغلیدی  جانیوه غمدن یورولان  جانی حسین

دم آخرده ده عشقون منله مونس اولوب 

عشقی تکمیل ایلدیم قالمیا نقصانی حسین

اللی بیر ایلدی بو ارزیمدی چیخان وقته جانیم

سن تلاوت ایده سن آیه  قرانی حسین

تئزآییردی فلک ایلدن منی  یالقیزلامیشام

دردیمون بیرجه  فقط سنده دی درمانی حسین

آنام اوغلی منه گل مرحمتون شامل ایله

 شاد ایله غملی چاقی بو دل نالانی حسین

غم هجرونده یانیب دوندی کوله خسته گوگل

سوندوره بیلمدی بیرزاد دل سوزانی حسین

دلخوشام کوی محبتده سنه یولداشیدیم

 ایکیمیز خوار ایلدوخ زاده سفیانی حسین

کربلا گلشنی ایات خداییدی ولی

منی یاندیردی او گل لبلرین عطشانی حسین

اولمادی ممکنوم اول پیکری دفن ایلماقا

قوری توپراقلارا تاپشیردیم او اعضانی حسین

چیخمیوب لحظه یادیمدان سینه وون اوخ یاراسی

لرزیه سالمیشیدی عالم امکانی حسین

شامه دوندی سحریم جان ویرورم بوخدی کسیم

گل گتور شامه بو گون روضه رضوانی حسین