خوشام که عبدوگدای امام عسگریم

گدای لطف وعطای امام عسگریم


خوشام که عبدوگدای امام عسگریم

گدای لطف وعطای امام عسگریم

واریمدی صبح ومسا دلده عشق سامرا

فدای صحن وسرای امام عسگریم

دوشوبدی باشه دوگم درگه پراجلالین

یازام آقام حسن عسگرینون احوالین

اواون بیریمجی امامیکه شانی والادی

امام عصرین آتاسی عزیززهرادی

 اوچومجی ابن الرضا حجت حق یزدان

که یدی ایل اولوب اسلامه رهبر وسلطان

گیدنده درگهینه صاحبان غصه وغم

رواایدردی حوایجلرین اوصاحب دم

 اورکده هرکسین هرمطلبی اولیدی اگر

حیاوقیدیده دردین دینمییدی اگر

بیان ایدردی اونون حاجیتین اوشاه کرم

ویرردی حاجت ودلدن ایدردی رفع الم

 زمان مکان اولارا فرقی یوخدی یکساندور

بوجمعه گوشه ی چشمی گراولسا احساندور

بولورکه اهل عزانون اورکده حاجتی وار

علینون اوغلیدی مشگل گشادی مشگل آچار

خلاصه قورتولوب عمری فشار ومحنتده

همیشه تحت نظرزیرچرخ ظلمتده

ویروبدی معتمددون اوشاهه زهرجفا

ایدوبدی شیعه لری غرق ابتلا وعزا

ایکی یوزآتمیش هجرت اولاندا هشت ربیع

ایچوبدی جام شهادت تاپوب مقام رفیع

بوبیرخبر ابوالادیانیدن روایتدی

ولایت اهلینه باب غم ومصیبتدی

دیرگلنده مداینندن اضطرابیله

مواجه اولدوم اودم غملی ازدحامیله

یتنده بیت امامه گورنده شوروفغان

وصیت ایتدیقی اوضاع غم اولوبدی عیان

یقینیم اولدی امامیم ایدوبدی ترک وصال

یانوبدی نارجفادن سونوبدی شمع جمال

یوموبدی گوزلرینی باغبان صولوبدی چمن

ایدولر اهل ولا جسم پاکه غسل و کفن

نمازقیلماقا اصحاب اولاندا دلداده

اوامره جعفرکذاب اولانداآماده

ایدوبدی گون کیمی جلوه اوبش یاشیندابالا

دوتوب عمویرینی تانماز امامه قیلا

اودمده عالم امکانه گلدی بیرجلوات

اوگل جمالینه اهل ولا دیوب صلوات

 قیلوب نمازینی امادلینده آه نوا

آتانی دفن ایلدی یوزگوزونده اشگ عزا

آتا فراقینه آز سنیده دچاراولدی

امام عصریمیزون قلبی داغدار اولدی

بوقدرشان وجلالی گورنمدی دشمن

وجودمهدینی بولدی دوزنمدی دشمن

 دوشوب بوفکره عدو تاکه دستگیر ایتسون

امام عسگرینون نایبین اسیر ایتسون

بونیتیله اوقوم پلیدوغارتگر

ایدوبله حمله حریم امامته یکسر

گورنده بیربیله اوضاعی اهلبیت امام

ایشق گونوزلری وحشتدن اولدی تیره وشام

همان اوگونده اولان کل عالمه حجت

پیام حقیله سردابیدن ایدوب غیبت

گوزل یازوبدی حسینی گلوبدی سوز یرینه

ایکی امام الن گون توکولدولر ایوینه

بیری امام حسن عسگری اونا عنوان

بیری امام حسین خیمه سی اولان تالان

علیلو سعدی اهل ولانی یاد ایلدون

حسینچیلر اورگین بول یقین که شادایلدون

 حسینون آدینا قربان تمام جن وبشر

مدافع حرمیدی اولحظه ی آخر

قالان قدر جانی رخت وفانی سویموردی

هجوم لشگری سمت خیامه قویموردی

اودم که امرشهادت یتوبدی اتمامه

اودمده لشگر کینه یول آچدی اخیامه

صدای طبل و دهل تا اوجالدی لشگردن

اوجالدی عرشه نوا بی پناه حرملردن

امان اولحظه دن اودوردی خیمیه اشرار

دوشوبدی وحشت و خوفه تمام خرد و کبار

او وضعی زینب کبری یتوردی سجاده

که قارداشیم بالاسی نیلیاخ بوماواده

بویوردی عمه خیام ایچره قالماسون بالالار

هامیسی چوللره قاچسون که یانماسون بالالار

قاچوبلا چوللره اطفال نازپرورده

بوغمده قلب امام زمان گلردرده

نچونکه گید گله بیریول واریدی خیمه لره

بیریدی یول قاچانا هم گلن سواره لره

اودور که حمله ایدنده اودسته خونخوار

قالاردی آتلار ایاقینده نازنین بالالار

یازولا بعضی لرین جامه سی آلشمیشیدی

او اود سوسوزلیق اودی بیربیره قاریشمشیدی

عطش شراری اودور دلرینده چوخ چوخیدی

یتنده غارت ایدن قاچماقا توان یوخیدی