حکم ائله سن اوزون ای خالق عادل یانیرام

گور نئجه ظلم ائلیوب قوم اراذل یانیرام


حکم ائله سن اوزون ای خالق عادل یانیرام

گور نئجه ظلم ائلیوب قوم اراذل یانیرام

سامرانین آدی وار، بیر منی شاد ایلمه دی

منه آخرده اولوب غم لری حاصل یانیرام

منیم اجدادیمی زهریله شهید ایله دیلر

معتمد وئردی منه زهر هلاهل یانیرام

حسنِ عسکری ام غربت اولوبدور وطنیم

آغلیرام من گولور احوالیمه قاتل یانیرام

اوز یئریمده قویورام اوغلومی آغلار، گئدورم

لطفووی ایله اونون حالینه شامل یانیرام

سندن آشّاقی اونی وار یئری داده چاغیرام

اورگیم اولموش اونی گورمگه عاجل یانیرام

گل اوغول مهدی اوخی سوره ی یاسینی منه

ای اولان حُسنیده یاسین شمایل یانیرام

نئجه پروانه یانار شمعین اوتوندا گئجه لر

اولموشام منده ائله، مقصده نایل یانیرام

عاشقم گوزلریوه، دویمامیشام باخماقدان

گل اوتور منله بو ساعتده مقابل یانیرام

گوزومی باغلا، بو امره ولی تعجیل ائلمه

اولموشام چون او آلاگوزلره مایل یانیرام

جگریم یاندی الولاندی بیر آز سو منه وئر

زهر اولوب قانه دونن قلبیمه داخل یانیرام

سو دئدیم یادیمه دوشدی سو کنارینده ئولن

اونی ئولدوردی سوسوز، لشکر باطل یانیرام

او حسین بن علی دور اونا عالم قربان

اونون آدیله اولار ختمِ محافل یانیرام

دوت « بشیرین»  الینی قوی یازا غم دفترینه

گل آقا گل، غم و دردیم اولا زایل یانیرام