دور یارالی قارداشیم قبریووه مهمان گلوب

شامیدن آزاد اولوب زینب نالان گلوب


دور یارالی قارداشیم قبریووه مهمان گلوب

شامیدن آزاد اولوب زینب نالان گلوب

 

سئللری یا ده سالوب گوزیاشیمون شدتی

داغلاری حیران قویوب زینبووین طاقتی

ایله میشم جان سپر ساخلامشام عترتی

سید سجادئوزی عرضیمه برهان گلوب

 

دشمن ایوینده حسین شال عزا سالمشام

قمچی لره تاب ائدیب کوینگووی آلمشام

چوخ سوزه گلمور دیلیم گورنه گونه قالمیشام

دوزدوم اوقدری غمه تا دوداقاجان گلوب

 

یولدا نلرچکمیشم قوی دئیوم ای جان جان

اولدی نگهبان منه جبریله شمر وسنان

دوشدوم اوگوندن حسین چوللره بی آشیان

لانه سی یانمیش قوشا اوخشیان الان گلوب

 

نازلی رقیه م سنی گوزلدی ویرانه ده

یاندی اونون حالینه شمعیده پروانه ده

تک نه تانیشلار اونا آغلادی بیگانه ده

گوردی باشون سسلدی دیدیمه جانان گلوب

 

اونداکی سولموش یوزون قویدی سارالمیش یوزه

ئوپدی دوداقون حسین گلدی او دمده سوزه

باخ دئدی ای یاره لی قانیله دولموش گوزه

سیلی وروبلار بابا گوزلریمه قان گلوب

 

راز قبول بلا،  رمز بقا سنده دی

تا که جهان وار آدون زنده دی پاینده دی

نازلی قیزون شامیده خیردا نماینده دی

شامی آلوب زینبون گرچه نواخوان گلوب