غریب کربلا حسین قتیل اشقیا حسین جان

بو آلتی گوشه قبروه باجون اولا فدا حسین جان

کُر:

غریب کربلا حسین جان

شهید نینوا حسینجان


غریب کربلا حسین قتیل اشقیا حسین جان

بو آلتی گوشه قبروه باجون اولا فدا حسین جان

کُر:

غریب کربلا حسین جان

شهید نینوا حسینجان

 

بو قانلی کوینگون گتدیم سرم مزارین اوسته قالسین

مشامین هر گجه گوندوز آنام زهرانین عطرین آلسین

گرک داغ فراقینده بلالی زینبون قوجالسین

نه مدتدور اولوب زینب بو درده مبتلا حسین جان

 

منی دور پیشواز ایله باشیم عجب بلایه دوشدی

حرم اهلی اینان قارداش بو یولدا چوخ جفایه دوشدی

یولوم شکر اولسون اللهه دوباره کربلایه دوشدی

دییم دردیم ابالفضله الینده وار دوا حسین جان

 

ایاقه دورماسان دورما که جسموین یاراسی چوخدی

باغشلا زینبی قارداش الینده بیر دواسی یوخدی

اقلا بیر سلامیم آل سینمده دیل یاراسی اوخدی

اوخون دردین بیلرسن سن بلایه آشنا حسین جان

 

علی اکبر علی اصغر سنیله یار و همدم اولدی

آدامسیزلار اوغواسوزلار منه شریک ماتم اولدی

خجالت گلمیشم عفو ائت رقیه جمعدن کم اولدی

ئولنده وای بابا ذکرین ایدردی چوخ نوا حسین جان

 

گلیب لیلا دل افگار و دیلینده اکبر آدی ازبر

سریه قاسمه آغلار ربابین اولدی دردی اصغر

سولان گللر ابالفضلی هرایه لحظه لحظه سسلر

اولوب دیللرده ذکر آدی وئرر دیله صفا حسین جان

 

امیدیم سن٬ پناهیم سن بو کربلادی قبله گاهیم

ئولوبدی یدی قارداشیم چخوبدی عرشه سوز آهیم

ابالفضلیم ئولن گوندن گیدوبدور الدن عز و جاهیم

علمداره سوزوم واردی گرک تاپام رجا حسین جان