حضرت مولا امیر المومنین

فاتح خیبر امام المتقین

حیدرین وصفینده عاجزدور قلم

حضرتی مدح ایلیوب رب الحرم


حضرت مولا امیر المومنین

فاتح خیبر امام المتقین

حیدرین وصفینده عاجزدور قلم

حضرتی مدح ایلیوب رب الحرم

شأن مولاده گلوبدور بو خطاب

حق دیدی من عنده علم الکتاب

مظهر خلاق باقیدور علی

کوثر مواجه ساقیدور علی

بو کرامت انبیاده اولمیوب

اوصیاده اولیاده اولمیوب

باخ علینون قدرت اعجازینه

که گلوب اوز نعشینون پیشوازینه

عالمه گلمز نظیری سر به سر

کعبه مین دفعه شکاف اولسا اگر

گر واروندور قلبیده درد و الم

مرتضانین دامنین دوت ایتمه غم

دردیوه ایلر دوا مولا علی

هارداسان سسله اورکدن یا علی

بو حدیثه آشنادور اهل فن

گیتدی معراجه رسول ممتحن

صادر اولدی حضرته فرمان حق

قاب قوسینه یتوب مهمان حق

ایلدی سجده رسول نیکنام

محضر حقده دایاندی لاکلام

صحبته خالق که آغاز ایلدی

مصطفانی غرق اعجاز ایلدی

گوش طاهایه یتیشدی تا او سس

سینه ی حضرتده گیزلندی نفس

فاش ایدوب اسرارینی ذات خدا

گوردی طاها آشنادور بو صدا

سسلدی دلدن خدای ذوالمنی

بارالها سره آگاه ایت منی

بو صدادن مصطفا حیرت ایدور

سن اوزونسن یا علی صحبت ایدور؟

لطف و مهروندور پیامد ایلیور

یا منه حیدر خوش آمد ایلیور

گلدی گفتاره خدای ذوالمنن

بو منم هان ای رسول موتمن

من خدایم رب رحمان و رحیم

خالق عیسی و موسای کلیم

لیک اظهار محبت ایلورم

من علی صوتیله صحبت ایلورم

رب الاعلا خالق یکتا منم

او علی گلدی ولی اعلا منم

بو منم که حق پرست ایتدیم سنی

محضریمده مست مست ایتدیم سنی

آگه اول سولماز حقیقیت گلشنیم

مرتضا حیدر ولیمدور منیم

هامی بیلسیدی علینی مقتدا

دوزخی خلق ایلمزدیم مطلقا

کیم قبول ایتسه و یا که ایتمسه

راه حقده گیتسه یا که گیتمسه

بو سوزی ذکر ایله یا صوت جلی

عالم امکانه مولادور علی

ایتمیشم بو حکمی صادر سر به سر

هر نه امر ایتسه ملک لر باش ایر

صادقی هر دم دی با صوت جلی

یا علی و یا علی و یا علی

ـــــــــــــــــــــــــــــــــــــ

🔹ویَقُولُ الَّذِینَ کَفَرُوا لَسْتَ مُرْسَلًا قُلْ کَفَىٰ بِاللَّهِ شَهِیدًا بَیْنِی وَبَیْنَکُمْ وَمَنْ عِندَهُ عِلْمُ الْکِتَابِ

 

آنها که کافر شدند می‌گویند: «تو پیامبر نیستی!» بگو: «کافی است که خداوند، و کسی که علم کتاب (و آگاهی بر قرآن) نزد اوست، میان من و شما گواه باشند!» ( سوره رعد آیه 43 )

به نقل از کتاب آیات الولایه سید کاظم ارفع ، در این آیه منظور از کسی که دارای علم کتاب هست ، حضرت امیرالمومنین علی ابن ابیطالب علیهم السلام میباشند.