فکریمه غالب اولوب بیر غم عُظما بوگئجه

کوفه ده مشکل اولار مُسلمه برپا بوگئجه


فکریمه غالب اولوب بیر غم عُظما بوگئجه

کوفه ده مشکل اولار مُسلمه برپا بوگئجه

مسجده وارد اولوب امّا نماز قیلدی وَحید

نمازی ترک ائله دی گئتدی او مردان پلید

فکرینه گلدی او دَم مسلم اولا اوردا شهید

مسجدی ترک ائله دی باشلیا غوغا بوگئجه

کوچه بازاری گزیر گورمدی بیر کسده پناه

بیر خانم طایفه سی گتدی سووی ائتدی نگاه

دئدی کیمسن دِه گؤروم کوچه نی دولدوردی سپاه

مسلمم قتلیمه فرمان اولی اجرا بوگئجه

او گئجه شیرزن عورت آقانی ائتدی قوناق

حاکمی غرق گناه شهریده وار چوخلی نفاق

گلمیه کاش حسین یوخدی بو ملّتده تفاق

تؤکولوب شرم و حیا کوفه ده اصلا بوگئجه

طوعه نین اوغلی گئدیب حاکمه تئز وردی خبر

تئز گلیب لشکرِ کین مسلم اؤزی مرد غَدَر

اؤلدوروب تؤکدی یئره گؤردی نه چوخ واردی خطر

تور آتیب سالدی تورا لشکر اعدا بوگئجه

الغرض دوشدی تورا دَیدی اونا چوخلی یارا

باغلانوب چاره یولی یئر گؤی اولوب گؤزده قارا

مسلمه دَیدی یارا، یاره لری چکدی دارا

سسله دی خالق من! هاردادی زهرا بوگئجه

مجلس ابن زیاده گتیریب باغلی قولی

مجلسه وارد اولوب شیر کیمین آچدی یولی

وئرمدی اوردا سلام مجلسی چون گؤردی دولی

سنه چون یوخدی سلام جان چیخا حاشا بوگئجه

ظالمه اَیمه میشم اَیمرم ای ابن زیاد

سن مسلمان دییسن، سنده اوقدر واردی عناد

لعنت خاص خدا هر گئجه گوندوز سنه یاد

واردی اجرای وصیّت منه اعدا بو گئجه

قالمادی تاب و توان، قان سوزولور گئتدی یئره

قتلگه اولدی اوجا امّا نییه دوشدی یئره

کربلا قتل گهینده بیریده دوشدی یئره

کسلیب قول قاناتی چوخ چَکیب ایذا بوگئجه

سن اؤزون باب نجات، نسبتون اولاد خلیل

آغلیوب مسلمه یاندی اورگیم اولدی دخیل

رحمتون نازل ائله سنده بیزه ربّ جلیل

شهروزون ایسته یی وار کاش گله مولا بوگئجه