نیه قوندون بیزیم ای قوش بله غم خانه میزه

ندی پیغامووی فاش ایله حرم خانه میزه


نیه قوندون بیزیم ای قوش بله غم خانه میزه

ندی پیغامووی فاش ایله حرم خانه میزه


بویانوب قانه ندن بال و پرون ایله بیان

یاخیلیبدور گورورم یوز گوزون تازه بو قان

دیله گل فاطمه نی ایلمه دلدن نگران

هاردان عازمسن هارا مبداون آیا هارادی

گویلوم ایستور دیه سن مقصدووی یا هارادی

 

تشنه سن سو گتوروم میل اله تا حد نیاز

چخا جسموندن هله خسته لیک آثاری بیر آز

شاید اولسون یولووین قالموشی بونداندا دراز

بیلمورم که گلوسن هاردان هارا گیتمه لی سن

بونی تنها بیلورم ایندی کمک ایتمه لی سن

 

یورولوبسان گورورم قوی گتوروم آب و غذا

یه دوی اوندان اورگون وورماسون آهنگ عزا

نه یازوبدور گورک اوندان و بیزه تقدیر قضا

آیریلوب قافله دن من کیمی تک سن گورورم

بنذمورسن قوشا واللهی ملک سن گورورم

 

نچه مدتدی منیم قانه دونوب اشک تریم

آه و نالیله گچوب غصه لی شام و سحریم

اللریم هامی مسافردی یوخ اما خبریم

انتظارم گله بیر قاصد. نیکو وطنه

 گتوره بلکه اولاردان هله بیر نامه منه