ای اللری خورشیده اولان مشعله گردان

جبریل اولان دور حریمنده نگهبان


ای اللری خورشیده اولان مشعله گردان

جبریل اولان دور حریمنده نگهبان

درگاهی شرف کعبه سی، سرمایه ی ایمان

سندندی اگرگلشن اولوب کشور ایران

هر بیر باخیشون درده اولارنسخه ی درمان

یا حضرت معصومه گوزل قبریوه قربان

مدیوندی سنه شهرقم  ای بانوی عصمت

الله سهم خاطروئروب اول شهره فضیلت

سندندی که تدریس اولونور درس امامت

گون تک یایور ئوز شعشعشه سین نورولایت

فیضیه سنوندور که وئرور فیض فراوان 

یاحضرت معصومه گوزل قبریوه قربان

الله که عوالمده اونون جلوه ی ذاتی

افلاکه وئروب نظمیله سئیرینده ثباتی

دائمدی عنایتله الهی برکاتی

بیر جددیووه خاطر یارادوب یئرده حیاتی 

سن باعث خلقت قیزیسان اشرف انسان

یا حضرت معصومه گوزل قبریوه قربان

سن وارد اولان وقته قما حرمتون اولدی

اطرافیوی عاشقلر آلوب گوزلری دولدی

بیلمم ولی اول کوفه ده بو شیعه نجولدی

جمعیتی زینب که گوروب گل یوزی صولدی

عمه ونده اولان صبر ائلیوب عالمی حیران

یا حضرت معصومه گوزل قبریوه قربان