گل هارداسان قارداش آمان، تئز گل حسینیم گل

دولدو خیامه کوفییان، تئز گل حسینیم گل


گل هارداسان قارداش آمان، تئز گل حسینیم گل

دولدو خیامه کوفییان، تئز گل حسینیم گل

 

 آتلی پیاده یوز قویوب، اخیامه هر یردن

چیخمیش سمایه قورخولی، سسلر عر‌بلرد‌ن

خیردا بالالار قورخوشور، قارداش بو سسلرد‌ن

تا ایلمزله  بیر زمان، تئز گل حسینیم گل

 

بو هایهو، بو کشمکش ، زینب ند‌ن اولمز

سندن سوای هئچ کس منیم، احوالیمی بیلمز

هی سسلر‌م باعث ندور، قارداش سسین گلمز

گر یاتمیسان، یاتما اویان، تئز گل حسینیم گل

 

بو خیمه‌لرده بیر بولوک اهل عیالون وار

السیز ایاغسیز طفل وار، باشی بلالون وار

تأخیر ائدیرسن بیلمیر‌م، هانسی خیالون وار؟

بو سیره باغریم اولدی قان، تئز گل حسینیم گل

 

عور‌تلره شرعه‌ن جهاد اولسیدی ائیلردیم

من دختر شیر خدایم، جنگی باشلاردیم

حمله ائدیب بو لشگری، نابود ائیلردیم

اشراره وئرمزدیم امان، تئز گل حسینیم گل

 

صبر ائت باجی، صبر ائت باجی، ای زار و دلخسته

امدادیوه گللم سنین، آهسته آهسته

دورماقا یارا یوخ، سورونلم اللــ‌ریم اوسته

قلبیم یانیر ائتمه بیان، تئز گل حسینیم گل

 

بو همته ، بو غیرته قربان باجون زینب

گلمه بو نوعی رقته، قربان باجون زینب

چوخدور یاران گئت راحته ، قربان باجون زینب

بیره دییم ائتمه گمان، تئز گل حسینیم گل

 

یاز یحیوی افرادلر، ایسته ولی حاجت

قصد زیار‌تله مقام پاکه قیل نیت

بیر اربعین  باب حسین اولسا سنه قسمت

قبرینده قیل ورد زبان، تئز گل حسینیم گل