یا فاطمه محنت گونودی شیعه لر آغلار

صادق بالووا اهل ولا دیده تر آغلار


یا فاطمه محنت گونودی شیعه لر آغلار

صادق بالووا اهل ولا دیده تر آغلار

 

یئرگوی باتوب اندوهه سیه پوش اولوب عالم

قاره گئیینوب نوحه ائدور عالم و آدم

عمّامه سینی باشدان آچوب حضرت خاتم

بو محنت و بو غصّه ده خیرالبشر آغلار

 

گؤزلر توکوری گؤزیاشی دوتقوندی ئورکلر

باشه ویروری عرشیده حسرتله ملکلر

ناله اوجالوب گویلره لرزاندی فلکلر

فردوسیده حیدر بو گون افغان ائدر آغلار

 

منصور لعین کینه سینی ایلدی معلوم

زهریله او زهرا بالاسین ایلدی مسموم

اجدادی  کیمین اولدی او شه دهریده مظلوم

پیغمبرین اولادی اولوب خونجگر آغلار

 

عاشقلرینون گؤزیاشی قان اولدی بو غمده

اهل حرمون اشکی روان اولدی بو غمده

زهرا خانیمون قدّی کمان اولدی بو غمده

اشکین ائله بیل ابر بهاری الر آغلار

 

ترک ائتدی فنا عالمی چون بو گون او سرور

سؤز یوخدی باتوب عمده غمه عترت حیدر

گل جسمینی غسل ائتدی ولی موسی جعفر

دفن ائتدی توکوب صورته اشک بصر آغلار

 

قربان اولوم اول شاهه کی غسلی اولوب القان

باشسیز بدنی گون قاباقیندا قالوب عریان

آغلاردی اونا اوچ گئجه گوندوز هامی امکان

الآندا او مظلومه هامی بحر و بر آغلار