گلورسرشک عزا دیده خلایقدن

گئدور سمایه نوا سوسن و شقایقدن

یازان زماندا ملال امام صادقدن

اونوندا جدی حسن تک وجودی اودلاندی

اونوندا زهر اثریندن جگرلری یاندی


گلورسرشک عزا دیده خلایقدن

گئدور سمایه نوا سوسن و شقایقدن

یازان زماندا ملال امام صادقدن

اونوندا جدی حسن تک وجودی اودلاندی

اونوندا زهر اثریندن جگرلری یاندی

 

بجادی شیعه لرین گوندوزی دونه شامه

 گجه یاری آقانی سالدی خصم دون دامه

 یوخیدی حضرتین حتی باشیندا عمامه

 امان او شب پره لر ویرمدی گجه نوره

 آپاردیلار باش آچیخ بزم شوم منصوره

 

ربیع او دشمن ختم پیمبر و عترت

 پیمبر اوغلونا هیچ قویمادی قالا حرمت

 ویروردی مرکبه مهمیز گئدوردی با سرعت

 دالیمجا هیچ دیمدی حجت خداده گلور

 ایاق یالین باش آچیخ یولاری پیاده گلور

 

گورنده بیشه علم و فقاهتین شیرین

 چکوبدی غیضیله منصور امامه شمشیرین

 پیمبرین نچه یول رویت ایتدی تصویرین

 وجود نحسی اونون اسدی خوف و وحشتدن

 او ظالم ال گوتومزدی و لیک جنایتدن

 

نه حرمتین آقانین اهل کینه ساخلادیلار

قولون گجه یاری ایوده ستمله باغلادیلار

آناسی فاطمه مثلی ایوینده اودلادیلار

دوباره بیت امامت شرار ظلمه یانوب

مدینه دن گویه توسدی دوباردن اوجالوب

 

اولونجه لعن ایله (خاکی) همیشه منصوره

جهانداعاملیدی ظلم و فتنه و جوره

الیکی زهر جفا وارد ایتدی انگوره

یر اهلی یاسه باتوب باشه قاره باغلادیلار

امام صادقه گویده ملکلر آغلادیلار

 

 فنون علمیده هرکیمسیه سرآمدیدی

 رئیس مذهبیمیز رهبر مویدیدی

 مثال حیدر و هم تالی محمدیدی

 فروغ دیده و جان امام باقریدی

 علوم فقه و اصول و رجاله ناشریدی

 

 جهانه کحل بصردی ایاقینون گردی

 افق فِقهَه او شه بیر مهِ منوردی

 کویرعلمی اکیپ گلستانه دوندردی

 سپوپدی مزرعه دینه بذر عرفانی

 عیاره حکمتینین گلمیوبدی میزانی