رئیس مذهب شیعه امام انس و جان صادق

علیم آل پیغمبر گل باغ جنان صادق


رئیس مذهب شیعه امام انس و جان صادق

علیم آل پیغمبر گل باغ جنان صادق

 

شبستان جهالت ده مثال شمع یاندون سن

جهان نور وجودون دن اولوبدی روز تک روشن

علوم شیعه نی آلمیش خلایق غملی سینوندن

کویر دانشی ایتدون گؤزل بیرگلستان صادق

 

کمالات وجودوندن عوالم خوشه چین اولدی

علوم فقه وتفسیره سراپا دین عجین اولدی

سنون علمونله دانشگه قدَرده پرثمین اولدی

گلستان امامتده اوجا سرو چمان صادق

 

اولوب دورت مین گل عاشق گلستانون ده پرورده

اصول فقه ایله گرما ؛ اولوب حاکم دم سرده

تماماً درس اخلاقون دوا دور هر زمان درده

بویوک سرمشق دورخلقه علومون هر زمان صادق

 

خلاصه آچدی شهر علم فقه و حکمتین بابین

ایوینه اود ویروب اشرار ؛ آلوبلارطاقت و تابین

بو نوعی ویردیلر اجرین؛ امام مهر و مهتابین

بو اود ویرماقدا دل دوشدی گریزه بی امان صادق

 

دوشوب دور یادیمه بیرآن حدیث عصر عاشورا

شهید اولموشدی ثارا... دوشوب دنیایه واویلا

قوشون یوز قویدی اخیامه اولوب هنگامه لر برپا

حسینون حالینه اوندا یانار کون ومکان صادق

 

خیامه اود ویران وقتدن روایت ایلیور راوی

دیورگوردوم بالا بیرقیز ؛ کی اود دوتموشدی دامانی

چیخوب قاشدی بیابانه گوزونده اشکیدن جامی

رقیه جدّوه جاندی بو چوللرده قاچان صادق

 

ز بس قورخموشدی مندن اول شیرین دل مهربان آهو

کانه مرغ پرکنده ایدوردی چولده هی کوکو

قاچیردی ساق صولا آغلار گوزیله دختر مه رو

آلیشیردی تحرّکدن اتگینده یانان صادق

 

خلاصه ایلدیم خاموش اتگینین اوتین آخر

دیدیم سنلن ایشیم یوخدور منم الان سنه یاور

گورورم چوخ هراسان سان سوسوزدان پاره دیر لبلر

شهید اولدی علی اوغلی اولوب آزاد آخان صادق

 

دیدیم سو میل ایله اولموش سنه حتّی نفس دشوار

منه باخدی سوا باخدی باخوب اخیامه گل رخسار

دیدی اخیمده بیر ناخوش امام ساجدینیم وار

سوسوزدان رنگ رخساری اولوب چون ارغوان صادق

 

تانورسان بو بیابانی ؛ هارا هاردان گیدر یا شیخ

نجف سمتین منه گوستر چراغ جان گیچر یا شیخ

بابام حیدر اولوب گورسین عزیزی دربدر یا شیخ

اولوب عطشان قانا غلطان یارالی میهمان صادق

 

اولوب دریا کنارینده ؛ بابام عطشان قانا غلطان

سو اوستینده اباالفضلین سالوبلار قولارین عدوان

علی اکبریم پرپر اولوب اللهینه قربان

ایچیب دی اصغرنالان سود عوضینده قان صادق

 

سوسوز قانه باتان لایلای ؛ منی گوزدن آتان لایلای

اوجا بوی قهرمان لایلای ؛ عموی مهربان لایلای

چوله طوفان سالان لایلای ؛ جوان قانه باتان لایلای

دیرم اصغره لایلای نقدری واردی جان صادق