امام جعفر صادق گوزل بیر شاهکار ائتدی

دوباره دین اسلامی بنادن استوار ائتدی


امام جعفر صادق گوزل بیر شاهکار ائتدی

دوباره دین اسلامی بنادن استوار ائتدی

زر اسلام قیمتدن اولوردی مس کیمین ارزان

جلا قیتردی اسلامه مقامین پُرعیار ائتدی

اوقدری علم و قرآنی ائدوب ترویج منبرده

که جنتده خود طاها امامه افتخار ائتدی

اگر شیعه توانادی گرک صادق الین اوپسین

اوحضرت دور بوآئینی بوقدری کامکار ائتدی

عقاب قلّه علم وشرفدی حیدرین اوغلی

حقیقت مکتبین چوخ باصلابت برقرار ائتدی

یاشوردی بیر چتین دوران دا زهرانین عزیز اوغلی

منافق لر اونا آزار بی حدّو شمار ائتدی

اوقدری پرده چکمیشدی سلایق دین و ایمانه

بنی عباس، شیطانی خدایه کعبه دار ائتدی

سمند ظلمتی چابک سوروردی قوم بی وجدان

اونون افسارینی حضرت حکیمانه مهار ایتدی

وریردی شمع سوزان تک وجودی نور اسلامه

هزاران علم کارآمد اوزوندن یادگار ائتدی

هزار احسن اوتدبیره سرند استقامتلن

سلایقلن خرافاتی چکوب دیندن کنار ائتدی

اگرچه ظاهراً درگیر دعوا اولمادی حضرت

مناق لر سپاهین حکمتیلن تارو مار ائتدی

ولی علت ندور بیلمم بئله مولای والایه

فراوان ظلملر فرماندهان کین شعار ائتدی

چکوبلر مرد تقوانی شرابین بزمینه یارب

نجه گور چیخدی مجلسدن گوزل کار هوشیار ائتدی

دئدی ملعونیدور هرکس غذائیله شراب ایچسون

اباعبدالله دوران اولاردان شرم و عار ائتدی

آناسی فاطمه مثلی دوشوب اود درگهی یاندی

شقیلر باب جنّاتی دُچار سوز نار ائتدی

سانا گلمز مثلم جور اشرار ستم پیشه

دسم بهتردی ظلم و جورینی زنجیره وار ایتدی

قاتوبدی سمی انگوره وئروب منصور او مولایه

ائدنده میل او انگوری فوئادین پُرشرار ائتدی

امام امّتی آیا روادور زهر یاندیرسون

پیمبر اوغلونون قلبین همین سم زخمدار ائتدی

یانوردی سینه سی اما دیوردی وای حسینیم وای

حسینین روضه سیلن گوزلرین چوخ اشکبار ائتدی

منی عفو ائیله یاصاحب زمان بو غملی مطلبده

اگر بوجمله لر چشم شریفی آبدار ائتدی

باشی اوستونده مولانون بالاسی موسی جعفر

دویونجا گوز یاشین غملی زمانینده  نثار ائتدی

باشین قویموشدی صادق ئوز بالاسی دیزلری اوسته

ولی جدّون حسینین روزگارین شمر تار ائتدی

ئوپردی دم به دم موسی دوداقیلن جبینیندن

اوقدری ئوپدی باباسین بهشته رهسپار ائتدی

ولی یال العجب اوپدی حسینون داشلار آلیندان

او داشلار بوسه گاه انبیانی انکسار ائتدی

اوقدری اوخ هوادن یاغدی بیر مرد غریب اوسته

اوقدری نانجیبلر بیر گولی اهداف خار ائتدی

اوقدری پیچ و تاب ایتدی اوچاندا نیزلر گویدن

دیردون گویده افعی لر بلا دشته گذار ائتدی

اوقدری تشنه لب مولا قانا باتمیشدی میداندا

اوقدری فوج لشگر بیر غریب اوسته مدار ائتدی

دوشنده تپراقا سلطان یخیلدی خانه زینب

گلنده شمر ملعون عرش اعلا آه و زار ائتدی

یتیشدی بیر زمان زینب گلوب گوداله باش چکسون

قونوب بلبل گولون اوسته که فکر یاری یار ائتدی

اولده بیر دایاندى باخدى حسرتلن اوگوداله

دل پُر دردینى غملر الیندن سوگوار ائتدى

یتوردی تز ئوزون سلطان مظلومین باشى اوسته

دئدی قارداش سنی دشمن داشیلان استتار ائتدى

نجه تاب ائیلدی زینب اولحظه بیلمورم امّا

بیوک داشلار، سینیخ شمشیری اوخلاری کنار ائتدى

دوباره ایستدی اوپسون زیارت گاه طاهانی

اجازه وئردى گوز یاشه دوچشمین ژاله وار ائتدی

دئدى اى پیکرخونین باشون هاردا باجون ئولسون

مشّبک پیکرون قارداش باجویی داغدار ائتدى

اویان اى فاطمه جانی بودور درد دلیم ایندی

بو دشمن قیزلارى ویردى طناب  الده قطار ائتدى

ویریبلار غارت اوستونده تماما قیزلارا سیلی

یاناندا خیملر اوتدا بالا قیزلار فرار ائتدی

ایراخ گوزدن خانم قیزلار یارا گوردی گولاقیندان

چکنده معجرى یاره گولاقی گوشوار ائتدی

ابولفضلیم اولنن داى بیزه دشمن ویرور طعنه

جنایت حدیدن آشدى جنایت هرنه وار ائتدی