شکر ایلیورم حضرت خلاق سمیعه

طبعیم قوشی پرآچدی گینه خاک بقیعه


شکر ایلیورم حضرت خلاق سمیعه

طبعیم قوشی پرآچدی گینه خاک بقیعه

تپراقی اونون باغ بهشتیله برابر

دیوارینه کیم باخسا اولور قلبی مکدّر

دقت ائله آغزیمدا کی بو لُبّ  کلامه

مأوادی او دورت مفترض الطاعه امامه

مظلوم حسن و باقر و سجادیله صادق

بیر یرده یاتوب چهار جهاندار موافق

کانون وفا معدن احساس یاتوبدی

مصداق ادب مادرعباس یاتوبدی

هم کُفو علی دخترطاهایاتوب اوردا

پهلوسی سینان حضرت زهرایاتوب اوردا

نه وار حرمی هیچ بیرینون یا نه رواقی

تاریکیدی افسوس که یوخ شمعی،چراغی

بیر زائری واردور اورانون عالمه سرور

اول قبرلری شوط ائلیَر زار و مکدّر

سویلرکه اگر امر ائلسه خالق منان

صادر ائلیه حکم ظهور حضرت جانان

وهابینون آمالینی بر باد ائدرم من

ویرانه قالان قبروزی آباد ائدرم من

ای کاش اولا خنجر برنده کلامیم

وهابیه بوردان یتیشه متن پیامیم

اول ‌فرقه که صهیونینی ایلولّه ستایش

تکفیری بی غیرت و وهابی و داعش

گلسه آقامیز نسلوزی یردن کسه جاقدی

یاپراق کیمی اوندا ال ایاقوز اسه جاقدی

ای داعشی لر کینه لی اربابوزه لعنت

ثانی صفت احبابوزه اصحابوزه لعنت

تاریخه باخوردوم ئورگیم مین غمه دوشدی

تخریب بقیعه ستم اعظمه دوشدی

نفرین اولا وهابیلره قوم عنوده

سرکرده لری عبدالعزیز بن سعوده

اول کجروشون رأیینی تصویب ائلیوبلر

اول قبرلری ظلمیله تخریب ائلیوبلر

گویا که ضریحی واریمیش ناب طلادن

ایرانیلار ائتمیشدی اونی هدیه وفادن

باخ فتنیه حتی اونیدا غارت ائدوبلر

بو فرقه ی ارذل ستمه عادت ائدوبلر

وهابی آلوب درسینی شیخین دغادن

دویماز اودور هرگز ستم و ‌جور و جفادن

‌شیخین دغا یاسه ویروب جوهر نیلی

کیمدور که ویروب فاطمیه کوچه ده سیلی

ثانی ویروب اوندا قاپیا شعله ی سوزان

احبابی ائدور فاطمه نون قبرینی ویران

اما بیزی مین درده سالوب گیزلین اولان قبر

آرامشی دللردن آلوب گیزلین اولان قبر

مولا ئوزی قازدی او مزاری گجه یاری

دفن ائتدی علی غملی نگاری گجه یاری

مین محنتیله فاطمه نی قبره قویاندا

گوردی ال آچوب باب کباری گجه یاری

طاهانون علی اللرینی گوردی دیل آچدی

آرتیردی بیر آز دلده قراری گجه یاری

عرض ائتدی حلال ایله منی ای شه لولاک

قدیم بوکولوب سن ائله یاری گجه یاری

زهرانی ئوزون آل اوره گی یاره علیدن

قوی تپراقا بو نیلی عذاری گجه یاری

زهرا بالاوون باشی آغاردی سن ئولندن

گوز یاشی توکوب چشم خماری گجه یاری

پهلولری سیندی بالاوین حیدره خاطر

گیزلینده ولی ایلدی زاری گجه یاری

آرامشیله قوی بالاوی بستر قبره

قوی قبرده راحت یاتا باری گجه یاری

بیلمم نیه تز فاطمه نی آلدی علیدن

سینسون فلکین ترسه مداری گجه یاری

زهرا علیه داغ کیمی محکم دایاقیدی

دفن ائتدی علی کوه وقاری گجه یاری

باخدوقجا اونون گل یوزونه شوره گلردیم

اولدوم ولی من غصه شکاری گجه یاری

ای کاش ئولم یوخدی دوامیم بو فراقه

مرگه ائدورم لحظه شماری گجه یاری

سن ایله دعا تا چیخا جانیم دوداقیمدان

«جان وئرمگه خوشدور گجه یاری گجه یاری»

زینب خبرآلسا آناسین سویلییرم من

دفن ایلمیشم دارو نداری گجه یاری

بو محنتیله ایندی ولی درگه حقه

نیلیم ، ائدورم شکرگذاری گجه یاری

امرایلدی استاد(حسنی)«ناعم» زاره

یاز محنتیله محنت یاری گجه یاری

مولاده گلر باشیمیز اوسته او زماندا

یاتساخ ایکیمیز قبلیه ساری گجه یاری