یتیشوب هشتم شوال قلم دقت ائله

فاطمه حقینی اثبات ائله سن ، همت ائله


یتیشوب هشتم شوال قلم دقت ائله

فاطمه حقینی اثبات ائله سن ، همت ائله

هشت شوال آدی گلجک آلیشیر سینه یانیر

فاطمه محنتینه ئوز ئوزونه گوز سولانیر

هشت شوال آدی گلجک دوشوری یاده بقیع

چوخ جنایتلره صبر ایلدی دنیاده بقیع

حیف اولا چونکی قالوب وادی غربتده بقیع

خوش گونه کرب و بلا تک قالوب حسرتده بقیع

هشت شوالیده عرشه اوجالیر نوحه سسی

مهدینون چون بو گونه واردی یامان خاطره سی

هشت شوالیده ظلمت اوتی عرشه دایانوب

مهدی فاطمه نین قلب شرر باری یانوب

هشت شوالیده بیر صحنه گوروب یاندی آقام

بیر جنایت اولونوب ایندیده گریاندی آقام

هشت شوالیده بیر سهمیلی طوفان اولونوب

گُلِ گلزار بقیع ظلمیله ویران اولونوب

عربستانیده بیر ظلم ائلدی قوم جفا

بو جنایتلره حیرتده قالوب اهل وفا

یازدیلار نامة تخریب ، جفا باشلاندی

اوج ائدوب کینه سماواته بلا باشلاندی

غملی صحبت لرینی بیله بیان ایلدیللر

گلشن فاطمه نی بیرده خزان ایلدیللر

شرمیدن ئولمدیللر صبری سراب ایلدیللر

وحشیانه حرم یاری خراب ایلدیللر

اوچولاندا او حرم تیتردی چون عرش خدا

نه حرم قویدیلا اوردا قالا نه صحن و سرا

دَر و دیوارینی مخروبه ائدوبلر عَلنی

گوزی گریان ائلیوب قانماز عرب فاطمه نی

صحن و گنبد سیز اولوب کان کرم لر یا رب

گون قباقینده قالوبدور او حرملر یا رب

بو جنایتله بوتون قلبیلری داغلادیلار

او گوزل قبریلرین یولارینی باغلادیلار

شیعه نین اینده ده یوخ حقی سینه داغلاماقا

 او مکاندا اوجادان نوحه دیوب آغلاماقا

ای عزا اهلی گلون بیزده دعا ایلیغون

غصه لی سینه لری غرق صفا ایلیغون

سسلیاخ آل علی منتقمین دادیمیزه

 تا گله مهدی زهرا ئوزی امدادیمیزه

گلمگینن آقامیز قلبیلری شاد اله سین

 اُوچولان مرقدی مهدی ئوزی آباد اله سین

حَق زهرانی عدالتلَه آلا دیده پُر آب

محو و نابود ائلیه آل سعودی او جناب

کعبه نین بامینه نصب ائلیه بیر قاره عَلم

عالمه حُکم اِلییه شیعه لرینن با هم

دایانا کعبه کنارینده نظاره ائلیه

 کربلا تک اورانی شیعه اداره ائلیه

بُولدُورهَ فاطمنون حقینی دنیایه آقام

بیر حسینیۀ اَعظم سالا زهرایه آقام

طَبل حقانیت فاطمه نی چالدیرسین

اوردا بیر کرب و بلا مثلی حرم سالدیرسین

نجه عباس علی روح ولا کسب ائلدی

اقتداریله فرات اوسته علم نصب ائلدی

مهدی فاطمه اَلطاف و قوا کسب السین

چشمۀ زمزمه عباس علمین نصب السین

یار اولا شیعه لره محنت و ماتملرده

جدینه نوحه دییه ماه محرملرده

کربلادور هامی یئر ظاهری گر فرقی یوخی

کربلایه گِئدوری ماه محرمده چوخی

مشهده ماه صفرده ییغیشار آذری لر

 سایه لطف رضایه سیخیشار آذری لر

فاطمه عشقینه غم تیرینی قلبه ساچاروخ

فاطمیه گئدروخ مکه ده پرچم آچاروخ