رمضان قافله سیندن آچوری فاصله میز

گورگ ایا نقدراولدی بو آیدا صله میز


رمضان قافله سیندن آچوری فاصله میز

گورگ ایا نقدراولدی بو آیدا صله میز

نئچه موردلری مطرح ایلیوم سال چیخ ئوزن

اونلارا ایتسون عمل حله دوشر مسئله میز

رمضان آیی اوروج دوتماقا رایج دگولی

گرچه بو محوره پابند اولونوب سلسله میز

نفسیوی ئولدوره بولدون بو اوتوز گونده بشر

یا هله مرکب اولوبدور بیزه بو راحله میز

یا کیمون دوتدون الیندن بو اوتوز گونده بشر

تا که خلق اللهه اول سون عمل نافله میز

بیریتیمی سر سفرونده قوناق ایتسون اگر

اللها خوش گلوب اوندا آزالار زلزله میز

رمضان آیی مگر آج سوسوز اولماقدی فقط

دانیشیقدا اولا بُکْمٌ باخیشیخدا گله میز

یوخسولون دوتدون الین اولمیا شرمنده و زار

یا هله مُد دگولی بذل و کرم مرحله میز

هی علیدن دییروک وای دییروک دم ووروروک

ال دوتان وقته علی تک ولی یوخ حوصله میز

رمضان آیی گئدور، گئتمیه انصاف و کرم

کرم و عدلیله همّیشه اولا هلهله میز

سوزی روشن دانیشوم ، دفتره انشای سلیس

آج سوسوز یوخسولا اول سون قدری مشغله میز

سفره رحمتینی بوکمیه تا خالق حق

عمل طیبه اولسون ثمر قائله میز

حیف اولا فاصله سالموش خیر عملدن اجتماع

قوی پارا قالسون سوزموم ،ماه محبت الوداع

ماه غفران الهی ماه رحمت الوداع

الوداع ای شعله مهر و عطوفت الوداع

روزه دار اولدوم گونوز شب زنده دار اولدوم گئجه

تا خدا بو عاصیدن ایتسون رضایت الوداع

سفره وی جمع ایلدون سال دگر اولسا نصیب

ایلرم بیر دفعه ده سنلن ملاقات الوداع

بنده لر پاک اولدی انهار زلالوندن سنون

هر گئجه ایتدون هامیلان سن مساوات الوداع

نیمه بدرونده دنیایه گوز آچدی مجتبی

تاپدی چون بیت امامتده ولادت الوداع

چوخ گوزل آیدور که قران نازل اولدی سنده لیک

فرق حیدر  سنده گوردی حیف ضربت الوداع

نفسیمی ئولدورمگه ایتدون کمک بیر آی منه

بنده گمراهی سن ایتدون حمایت الوداع

صوت قرانی اوجالدوبسان هر ایودن گویلره

چوخلاری قرآن ایدوب بیرآی تلاوت الوداع

گوزلدیم بو ائیلده زهرا اوغلی گلسون ، گلمدی

چون کی جدیندن اولوبدور بو  بشارت الوداع

سویلیوب مهدی بالام ماه کریم الله گلر

قبر زهرانی ایدر اول زیارت الوداع

یوخ سوزوم یا فاطمه، سوز آیریلقدان ثبت اولور

چون اولوبدور قافیه دفترده زینت الوداع

الوداع، مظلوم حسینی یادیمه سالموش خانم

مرکب اوسته سسلدی آل طهارت الوداع

الغرض قیزلار خداحافظ ایدوبلر تک تکی

ناگهان زینب گتوردی اوندا کهنه کوینکی

وقت هجراندور دیدی بولدوم باشون سوداسینی

طور سینا گوزلیور گئتسون گوره موسی سینی

بولمیور زهرا وصیت ایلیوب اولسون عمل

من گرگ بو دشتیده ایلوم عمل اجراسینی

زینبه ایلوب سفارش تشنه حنجردن ئوپه

تا ایدم جنتده راضی دلبر شیداسینی

بیرده بو کهنه لباسی گی سارالموش جسمیوه

سویلیوبدور گورموشم بو کوینکون فرداسینی

باخ رقیه حالینه آغلورحسین هجرانیوه

ناله سی دوتموش سراسر بو بلا صحراسینی

دوت دئله،گویلون آلوب اوندان صورا گئت عرصیه

آخرین دفعه اونون ئوپ چشم تر شهلاسینی

من نئجه صبر ایلیوم ، عباسیم اللرده ئولوب

معجریم تک تیره ایلوب زینبون دنیاسینی

سنده گئتسون نیلرم حمله ایدنده کوفیان

دوگسه لر غارت زمانی اکبرون لیلاسینی

گوشوار  اوسته دوگه للر  ،سن کی واقفسن حسین

آل رقیوندن ئوزون گوشواره زیباسینی

چون بو قیز زهرایه اوخشور صورت مه پاره سی

اوخشاداللار سیلیدن زهرایه مه سیماسینی

زینبی عفو ایله کی عطشان یولا سالدیم سنی

شاهد اول امداده سسلور مادر زهراسینی

باشیوی ذبح ائلیینده دشمنون، زینب گلر

قتلگاهونده گورر گوز یاشلی قان دریاسینی

"متقی" درمان گزور شام وسحر هرآن حسین

فاطمه جانی گل ایله دردینه درمان حسین