گنه بو مرغ دلیم ایلوری نوا بو گجه

نوا ایدور تاپا اوز دردینه دوا بو گجه


گنه بو مرغ دلیم ایلوری نوا بو گجه

نوا ایدور تاپا اوز دردینه دوا بو گجه

دیدیم سیاحته چخسام بیرآز اورک آچیلار

نوایه چاتمادی بو قلب بی نوا بو گجه

نه گل نه بلبل اونا خوش گلور نه سیر چمن

یاخوندی باشیمه گلسون منیم هوا بو گجه

گوزومه یالوارورام آغلیا اورک بوشالا

گر آخسا اشگیم اوزه دل تاپار جلا بو گجه

یادیما دوشدی او سوز (کهنموئیدن)نه یازیب

که ایستورم اونادا رحمت خدا بو گجه

«اورک غمین دیماقابیریانان دل آختارورام»

بو گجه بیرگجه دور قلب عالم امکان

دمادم آغلوری اُول ختم اوصیا بو گجه

بالا آتاسینا بو رسمدور عزا ساخلار

دوتوب نجفده یاتان جدّینه عزا بو گجه

یانان اورکلری گورجک یانور یانان اورگیم

سیزه بیان بیان ایلیوم وار نه ماجرا بو گجه

بو گجه توطئه واردی علینی ئولدوره لر

عم اوغلی وای دیوری خیره النسا بو گجه

ستاره لر چخالار آز قالوب مداریندن

گجه گونوز قاریشا تار و مار اولا بو گجه

هایانا من باخورام شیعه لر دیور آقا وای

گیوبدی اهل عزا اگننه قرا بو گجه

قوناق گلوبدی ملالیله امّ کلثومه

ولی بلوط کیمی دولموشدی مرتضی بوگجه

خانم دیور من آچان دمده سفرة افطار

واریدی نان و نمک بیرده صود غذا بوگجه

باخوبدی گه منه گه سفریه امیر عرب

بویوردی موعظه عنوانیلن بالا بو گجه

ایکی خورشتیله بیریرده هاردا گورمشیدون

غذایه رغبت ایده شاه لافتی بو گجه

بو صودی سفره دن الان گوتور اولور اسراف

نمک و نانه آتان ایلر اکتفا بوگجه

جهان علی کیمی رهبر گوره داخی هیهات

ولی گیدور الیمزدن او مقتدا بوگجه

غرض دیور صودی گوتدوم آتام ایدیب افطار

دیوبدی ذات خداونده چوخ ثنا بو گجه

او دلشکسته فقط میل ایدوبدی نان و نمک

دوتوردی چوخ یوزونی جانب سما بو گجه

اولوبدی صبحه کیمی ورد و ذکری یا الله

گهی نماز قیلوب گه ایدیب دعا بو گجه

چخوردی صحنه باخوردی کواکبه نگران

یاواش یاواش دانیشردی او دلربا بو گجه

گهی دیوردی خدا بو گجه همان گجه دی

خبر ویروبدی منه ختم الانبیا بو گجه

او قدری گوزیاشی توکدی پوزولدی پوزدی منی

دیدیم بو پوزقون اولان جانیوه فدا بو گجه

گوزل بابا ایله بیل قورخوسان سنه قربان

باشوا من دولانوم وار نه ابتلا بو گجه

سنی بو حالیله هیچ گورممشدوم عمرومده

آنام دوشوب یادیوا اولمیا بابا بو گجه

بو گول کیمی سارالان رنگیوه قزین قربان

اولوبدی رنگ و رخون مثل کهربا بو گجه

 بیورمادی قزینا اصل ماجرانی علی

مباد قورخوشا قزلاری آغلیا بو گجه

اشاره ئیله دیردی دویونجا گور آتاوی

سنه قوناقدی علی ای گوزل بالا بو گجه

یاخونلاشوبدی اذان ایستدی چخا ایودن

بویوردی خالقمه ایتدوم اتکا بو گجه

چخوبدی لانه لروندن تز ایکی مرغابی

چکوبله ناله دیوبله آقا آقا بو گجه

اماندی مسجده گتمه حسین قالور آتاسیز

چکوبدی نقشه سیزه قوم اشقیا بوگجه

الین چکوب اولارین باشلارینا دیندیردی

بویوردی ساکت اولون ایتمیون صدا بوگجه

سفارش ایتدی بو حیوانلارا محبّت ایدون

مباد من سیز او حیوانلار آج یاتا بو گجه

خلاصه ایستدی چخسون ایویندن عشقیلن

الیشدی شالنه مسمار باب تا بو گجه

شهادته دیدی محکم بئلیوی باغلا علی

تحمل ایله نقدر اولسادا بلا بو گجه

گلوبدی مسجده بیر باش گیدوبدی مأدنیه

حجازی صوتیله سسلندی الصّلا بو گجه

سسینی هرکس ایشتدی دیدی سسون قربان

اذان سسون ویروری دللره جلا بو گجه

گلوب اشاقه اویاتدی یاتانلاری حضرت

شروع ایدوبدی نمازین شه ولا بو گجه

تمام ایدوبدی اول رکعتین امام مبین

باشینی سجده دن حضرت ایدوب رها بو گجه

کمینده دورموشیدی ابن ملجم مرتد

شهید ایده او شهی اَشق الاشقیا بو گجه

تمام قدرتیلن حیدره ویروب شمشیر

یاخون اولوبدی که اولسون جهان فنا بو گجه

هرای حجاز آقاسین ابن ملجم ئولدوردی

بویوردی فُزتُ بِرَبِّ الکعبه مرد حق نما بو گجه

سماده سسلدی روح الامین علی ئولدی

باتوبدی قاننه محبوب کبریا بو گجه

صف نماز جماعت دگندی بیربرینه

علی علی دیدی آغلاشدی اتقیا بو گجه

حسن آلوبدی یارالی باشی دیز اوسته

آتا قاننا قاتوب اشگ مجتبی بو گجه

گلوبدی ضعفدن هوشه او مرد خیبر گیر

قانی جمالنه باشدان آخا آخا بو گجه

بویوردی صبر ایله ای نور دیده اوغلوم حسن

نماز صبحیوی دور ایله سن ادا بو گجه

نماز قیل که نماز اوسته قانه باتدوم من

اطاعت ایتدی آتا امرینه بالا بو گجه

غرض نماز قیلندی علینی حمل ایده لر

جلالیله اُمرا منزلینه تا بو گجه

قالاندا نچه قدم منزله یارالی امام

آچوبدی گوزلرینی شاه لافتی بو گجه

دیدی قویون ئوز ایاقیمله تا گیدوم ایویمه

بالالاریم بِله گورسون دگل روا بو گجه

باشیم یاراسینی گر گورسه زینبیم قورخار

قاپی دالنداد حتماً او مه لقا بو گجه

قویوبدولار یره مولا اوزی قدم آتسون

گورونمیه آتا باشندا وار یارا بو گجه

یری وار عرض اولا ای شهریار کُون ومکان

فدا بو رأفتیوه شیعه لر اولا بو گجه

رقیّه ده بابا گوزلردی سسلدی عمّه

اولار بیریسی بابامی منیم تاپا بو گجه

قوجاقنه منی آلمشدی بس هارا گیتدی

خرابدن بابام اول شاه کربلا بو گجه

او قدری گچمدی باش ویردیلر قوجاقینه

دیدی گتوردون عجب دردیمه دوا بوگجه

یارالی لبلره اندیردی لبلرین ئولدی

او گجه نی سالورام یاده من شها بوگجه

خرابیه قلمون قویما گیتسون «عینی فرد»

علی مصائبین ایستور قلم یازا بو گجه