مدد آل ای قلم لطف خداوند توانادن

کی صدر دفتره زینت وئراق بیر شعر زیبادن


مدد آل ای قلم لطف خداوند توانادن

کی صدر دفتره زینت وئراق بیر شعر زیبادن

خیالیم وار ائدم سیر عالم معناده شوقیلن

یازام بیر بانوی صاحب جلال و پاک و عظمادن

مقام و رتبه‌سی والادی درگاه الهی‌ده

آلوبدور شأن شایان حضرت خلّاق یکتادن

او بیر بانوی اطهردی آدی دیللرده ازبردی

جلال و جاهی برتردی هامی نسوان دنیادن

اودور شهبانوی بیت رسالت، یار پیغمبر

حمایت ائتدی جان و مالیلن سلطان بطحادن

او امّ‌المؤمنیندی، حرمتی واجبدی احراره

کیمون ایمانی کاملدی، قصور ائتمز بو معنادن

او بیر خاتونیدی نامی عراق و شام و بطحاده

تجارت امرینه مشغولیدی فضل تعالادن

حساب ثروتی چیخمیشدی حددن، بی‌شماریدی

فراوان سود آپارمیشدی ز بس رونقلی سودادن

ولی بیر اؤزگه سودا ایلدی، سودالریندن باش

آپاردی سود او سوداییله دنیاییله عقبادن

یاناردی شوق وصلیندن حجازین عمده تجّاری

او خاتون ایلیوب امّا حذر هر بی‌سروپادن

ائلیکی گؤردی طاهانی ولی مات اولدی حُسنونده

اولوب دلداده ختم المرسلینه جان شیدادن