سبک :از نگاه یاران به یاران

 

گلدی روز وصل ، امید ، دل هل اتی

گئتدی جور وظلمت ، گلیبدی ، جهانه صفا

      فاطمه گوزآیدین ، نرجسه وئریبدی

 عرش وفرش وامکان ، سس سسه وئریبدی

                  بو مولود مبارک مبارک اولا


میلاد حضرت مهدی                        هاتف

سبک :از نگاه یاران به یاران

 

گلدی روز وصل ، امید ، دل هل اتی

گئتدی جور وظلمت ، گلیبدی ، جهانه صفا

      فاطمه گوزآیدین ، نرجسه وئریبدی

 عرش وفرش وامکان ، سس سسه وئریبدی

                  بو مولود مبارک مبارک اولا

 

شیعه یه نئجه پای ، گورون نیمه شعبان وئریب

عالمه بو عیسای زهرا ، تازا جان وئریب

    قونداقین بیر اللی ، آچدی یومدی زهرا

     ترک ائدیب جنانی ، بزمه گلدی طاها

    اوپدی گول یوزیندن ، نرجسه وئریبدی

عرش وفرش وامکان ، سس سسه وئریبدی

                    بو مولود مبارک مبارک اولا

 

کیم گوروب بو مولودی فریادی عرشه چاتیب

هاجر اوزبالاسین ، گوزیندن گورندن آتیب

  قونداقین باشیندا ، صاق طرفده زهرا

   فخر ائدیر جهانه ، صول طرفده لیلا

    تحفه بهشتی نرجسه وئریبدی

عرش وفرش وامکان ، سس سسه وئریبدی

                     بو مولود مبارک مبارک اولا

 

یوسفین دالینجا ، اگربیر زلیخاسی وار

مهدی نین مین ائیله ، باشی اوسته حوراسی وار

  خدمتینده حاضر ، مریمیله سارا

  بانی بو مجلس ، حیدریله زهرا

  گورنه گول خداوند ، نرجسه وئریبدی

عرش وفرش وامکان ، سس سسه وئریبدی

                     بو مولود مبارک مبارک اولا

 

آچ الون اورکدن ده یا مهدی یا فاطمه

واللهی بو ذکریله غملر تاپار خاتمه

      ذکر یابن زهرا ، دردیوه دوادی

      کیمسه بوش قئییدمز ، باب التجادی

    مهدی آدی عزت نرجسسه وئریبدی

عرش وفرش وامکان ، سس سسه وئریبدی

                    بو مولود مبارک مبارک اولا