ای گل سرخ پیمبر یا حسین

عشق‌ زهرا جان ‌حیدر یا حسین


ای گل سرخ پیمبر یا حسین

عشق‌ زهرا جان ‌حیدر یا حسین

 

گلمین تقریره شأن و حشمتی

فوق ادراک بشر شخصیتی

ای هامی عالملر ایچره‌خلقتی

شاهکار صنع داور یا حسین

 

شرق یثربدن ایدن وقتده ظهور

کایناتی چولقادی فیض وفور

طلعتون ایتدی جهانی محو نور

ای جمال اللهه مظهر یا حسین

 

سوم شعبان گونی اولدی جهان

مقدم پاکونله سرتاسر جنان

عرش اعلاده تمام قدسیان

اولدولار مسرور یکسر یا حسین

 

ای جمالی آیت حسن الاه

حجت حق ماسواللهه پناه

فیض‌نوروندان‌ منور‌ مهر و ماه

سنسن‌ هر بیر فیضه ‌مصدر یا حسین

 

حق سنی الحق نه زیبا خلق ایدوب

هیکل توحید و تقوا خلق ایدوب

هر ایکی دنیایه مولا خلق ایدوب

ای هامی آفاقه رهبر یا حسین

 

ای وجودی آدمه سرّ سرشت

لطفینه مشمول هر زیبا و زشت

هر ایکی‌دنیا بیزه ‌سنسن ‌بهشت

خُلدی ‌سنسیز‌ شیعه‌ نیلر یا حسین

 

عشقیوی ای جان جهانه ویرمروخ

بیر  بیله سودی زیانه ویرمروخ

بیر توکون مینلر جنانه ویرمروخ

ای اولان جناته مفخر یا حسین

 

بیز بو سر حد وفادن قاچماروخ

سینیه سوری مدالی ساچماروخ

سندن‌ اوزگه بیر کسه ‌اَل ‌آچماروخ

اَل آچار مولایه نوکر یا حسین

 

ای مزاری کعبه جانانه جان

قبله ایمان مطاف عارفان

قبریوه ‌ایسته بو جمعی میهمان

یاندی هجرونده اورکلر یا حسین

 

ای کرم کانی عطا مشتاقیوخ

دردیمیز واردی دوا مشتاقیوخ

گوز آچاندان کربلا مشتاقیوخ

قبریوه حسرتدی دللر یا حسین

 

"جابری" لایق دگل نوکرلیقا

تیکموب اما نوحه اوسته گوز پولا

دوت الیندن سنده ای کان عطا

اوز قاپوندا ساخلا نوکر یا حسین