مژده وئرور ملائکه لر بیربیرینه یار گلور

پرده ی ظلمت آپاران عاشق و دلدار گلور


مژده وئرور ملائکه لر بیربیرینه یار گلور

پرده ی ظلمت آپاران عاشق و دلدار گلور

خوی خلیله اوخشیان حضرت مختار گلور

عزت و افتخاریمیز سید ابرار گلور

پایه ی اسلامی قوران عزملی معمار گلور

معدن علم و حلم دور سنجش و معیار گلور

لاله ی گلزار گلور نایب دادار گلور

فوج سپاه انبیا گئتدی کی سردار گلور

عزم ائلیوب حق جلیل ختم پیمبر یارادوب

آدی اونون احمد اولوب یئر گویه لنگر یارادوب

 

تا قدمین قویدی یئره سجده ویروب عالم اونا

حوریلر اذن حقیلن سویله دیلر خاتم اونا

قلبی سئوینجیله دولوب فخر ائله دی آدم اونا

باشلارین اذن حقیلن حوریلر ائتدی خم اونا

فخریله  کل  کاینات  اولدولا  بیر حَشَم اونا

فخر  بشردی  مصطفی   آند اونا،قسم اونا

وئردی خدا دین علمین  چون  یاراشیر علم اونا

 وجهی گوزل قلبی گوزل قویمیوب الله کم اونا

باغ و گل بهشت لر اللرینین حناسیدی

تمام جن و انس اونون اسیر و مبتلاسیدی

 

تا قدمین قویدو دوشوب زلزله بت خانه لره

زلزله بت خانه لره،ولوله  میخانه لره

قورخو دوشوبدور می ئه ، دولمور داهی پیمانه لره

ختم وئروب الده اولان بیر نچه افسانه لره

شوق وجودی جان وئروب دشتیده پروانه لره

بیر خبر ناب اولوب عارف و فرزانه لره

امر ائلیوب حق جلیل  بادی ده کی شانه لره

باشینی  شانه  ائلیون   کوری  بیگانه لره

خاتم الانبیادی بو ، سرور اوصیادی بو

دامنینه چنگ ویرون ، قاتل اشقیادی بو

 

گلدی کی انبیا دینین شوقیله احیا ائله سین

پرچم اسلامی  آلوب عشقیله برپا ائله سین

حیله و ظلم و ستمی پاک و مبّرا ائله سین

سرّ جهان خلقتی کشف معمّا ائله سین

ایسته دی خالق کی نبی دهریده غوغا ائله سین

عشقیله دنیایه گلوب کافری برجا ائله سین

عزم و شکوهیله گلوب محشر کبری ائله سین

بت لاری سیندیرماقینان صحنه ی زیبا ائله سین

عشقیله محشر یارادور بیر دل مینا یارادور

کل جهانی بیر یئره قویدو کی طاها یارادور