دویونجا ئوپدوله قبرحسینی آغلادیلار

بیرآزبوشالدی دولان قلب لر اوماتم ده


دویونجا ئوپدوله قبرحسینی آغلادیلار

بیرآزبوشالدی دولان قلب لر اوماتم ده

بیوردی زینبه کلثوم اذن ویرسن اگر

گیداخ زیارت عباسه نهر اعلقم ده

اورکده دردیمه آگاهی سن ئوزون نه دیوم

سنه عیاندی غم آشکار و مبهم ده

بونسگیلیم اورگیمده قالوبدی قارداشیما

 دویونجا آغلامادیم اون بیر محرم ده

عزا علمین زینب فراته نصب ایلدی

 تمام عزایه گلن لر جمع اولدی اول دم ده

فقط دالیا اوجمعدن قالان رباب اولدی

نیه یوباندی بولراهل دل اشارم ده

ال آتدی باشینه هرکیم او خیردا قبری گوروب

ایله فرار ایله زوٍٍٍّار اولماز عالم ده

بیری دیردی عموقانلی مشگیوه قربان

بیری دیردی گوزوم وار بو قانلی پرچمده

 اگرچه دیلده قالار دایم آیریلیق آجیسی

ولیک قارداشینی یاخجی اوخشار ئوز باجیسی

  توخوندی باد خزان گلشنی خزان اولدی

اوبزم ماتمه کلثوم نوحه خوان اولدی

دیدی اجلدن امان اولدی قبریوه گلدیم

بوکوی عشق ووفاده وفالین یارالی

بوقانلی پرچمیوی توزلی قبریوه آچدیم

منی گورن دیمه سین دست خالیم یارالی

آناما هرسوزون اولسا بویورگولان آپاریم

مدینیه گیدیرم ابتلالیم یارالی

اوگون که سندن اوزاق دوشموشم باجون ئولسون

شکسته نی کیمی دایم نوالیم یارالی

قولون دوشن ئیری ئوپدوم گلنده علقمیه

اوجادان آغلامادیم بس حیالیم یارالی

باشیوی نیزه ده یوللاردا گورمدیم قارداش

اودوربومدتی سندن آرالیام یارالی

باجی دوگولسده قارداشینا دیمز دردین

نجه دیوم سنه منده یارالیام یارالی

پوزوبلا مجلس ابن زیادیده حالیمی

همان اومجلسین آشفته حالیام یارالی

طبقده باشیوی سوغات گتّولراویئره

ملالیوین اودی غرق ملالیام یارالی

بیوک مزاره قویّالاراوجابوی انسانی

نیه کیچیکدی مزارون خیالیام یارالی

رقیه دن اوتانورسان اگراوتانماگینان

ئولوبدی شامیده منده عزالیام یارالی

گیدیب مدینه ده ئولسم ده افتخاریمدی

یازّالا باش داشیما کربلالیام یارالی

قلم الیمده گزور گه مدینه گه شامی

ئوزومده بولمورم آخرهارالیام یارالی

سیخیلمیشام قاپوزا (عندلیب )نالانم

واریم امیدیم اگرچه خطالیم یارالی