کیمدی رقیه گوهره نابیدور

سینه مین اوستونده آدی قابیدور

فاطمه دلبندی علی نوریدور

درگهونون خادمسی حوریدور


کیمدی رقیه گوهره نابیدور

سینه مین اوستونده آدی قابیدور

فاطمه دلبندی علی نوریدور

درگهونون خادمسی حوریدور

پرچمی نصب اولسا هارا شور اولار

چپ باخا کیم پرچمینه کور اولار

آی اوزونه باخماقا خجلت چکر

مریم الیندن اوپه منت چکر

صاحب اجلال و کراماتیدی

شانینه شاهان جهان ماتیدور

خاک قدومیندن اوپر قدسیان

باشینه گونده دولانار آسمان

صبرینه ایوبلر احسن دئیر

عشقیده لیلا اونی برتر بیلر

مدحی چتیندی من نا لایقه

ذره ای از مدحیدی بو عاشقه

اوچ یاشی واردی ولی والامقام

دشمنی سیندیردی بو قیز والسلام

کیمدی رقیه آدینا جان فدا

دختر زیبای شه کربلا

اختر چرخ ادبین اولدوزی

روضه لرین هم داددی هم دوزی

آدی گلن یرده صفا وار صفا

سائلی سالماز بلورم بوش یولا

بیر باخشی مرده نی احیا ایدر

اذن خدائیله نه غوغا ایدر

بنزری زهرایه بونون چوخدی چوخ

تای تاپابیلمسن اونا یوخدی یوخ

غملره زهرا کیمی صبر ایلیوب

شامیده باخ گور بو خانم نیلیوب

باخما رقیه گوزونون یاشینه

کاخ یزیدی چوروب باشینه

مین نچه ایلدن صورا باخ عالمه

آدینی دنیا الیور زمزمه

قدرتی مافوق بشردور بشر

آخ حرمینن ساری قلبیم اسر

باخما بو گون یولاری باغلی قالوب

قبرینین اطرافینی کیملر آلوب

باغلی قالان یولاری مهدی آچار

شیری گورنده بلی روبه قاچار

پرچم عباس الینده اسر

داعشین عباس اوزی نسلین کسر

بیز نه دمشق و نه عراق اهلیوخ

بیز نه ریا و نه نفاق اهلیوخ

دشمنه بیز دال چوروب قاچماروخ

هر کس و نا کسلره ال آچماروخ

مذهبیمیز جعفردی جعفری

داده چاخیروخ آقامیز حیدری

قولسوز ابوالفضدی بیزیم یاریمیز

نهر فرات اوستدی دلداریمیز

بد نظری اولسا کیمین ایرانا

جسمی دوشر بیر یره باش بیر یانا

آه رقیه یخاجاق دشمنی

یخدی نجه شامیده اهریمنی

چونکه قدم الله ها خاطر ویروب

سلسله ظلم و فسادی قیریب

درسینی زینبدن آلوب بو خانیم

عمه دیردی سنه قربان جانیم

باخما منیم عمه بو گوز یاشیمه

معجریمی باغلامیشام باشیمه

هر نه بلا گلسه رضایم اوزوم

دشمنه یالوارمارام حقدور سوزوم

سوزلریمی ساخلامشام یاره من

دردیمه آز قالدی تاپام چاره من

بیر قوناقیم وار بی بی آغشام چاقی

گلشن ایدر گلسه بو ویران باغی

من بو خرابه یره سامان وریم

پای قدومنده گرک جان وریم

بیر یوخی گوردوم اورگیم دینجلوب

دیدیمه گوردوم که بابامدی گلوب

سسلدی قربانین اولوم آغلاما

بسدی بو قدری سینوی داغلاما

آلدی قوجاقه شه عطشان منی

سسلدی آرام اول آپارام سنی

عمه سن الله منی عفو ایله سن

گلسه بابام گیتملیم ایندی من

چوخ سنی اینجیتمیشم عمم جانی

کرب وبلادن بوراجان یوخ سانی

قمچلری سن بیزه خاطر ییدون

کوفده بس کی سوزو روشن دیدون

شانه گتور تلریمی بیر دارا

عمه گوروم گیتملیم من هارا