عجزیله زبس راهب ایدوب اشک روانه

اعجازیله راس شه دین گلدی بیانه

من گوهر گنجینه ی تسلیم و رضایم

من شمع دل افروز شبستان وفایم

من صدرنشین حرم قدس تجرّد


عجزیله زبس راهب ایدوب اشک روانه

اعجازیله راس شه دین گلدی بیانه

من گوهر گنجینه ی تسلیم و رضایم

من شمع دل افروز شبستان وفایم

من صدرنشین حرم قدس تجرّد

من سدره مکان طایر فردوس ولایم

من سوخته دل تشنه ی سرچشمه ی وصلم

من باخته جان عاشق سودای لقایم

من کشور امکانه خداوند و امیرم

هرچند که دللرده شه کرب و بلایم

من فاطمه دلبندی علی اوغلی حسینم

آرام دل ختم رسل خیر ورایم

من قائد غم، عاشق دین، کشته ی توحید

من حلّ و حرم صاحبی من میر هدایم

من راه دفاده ایکی دریا آراسیندا

لب تشنه شهیدم اودی شاه شهدایم

شوقیله آتوب مُلک جهان فکرینی باشدان

قانلی باشیله زینت اورنگ جدایم

بیر قافله عشق اهلینه یولّاردا باشیله

مهتاب کیمی پیشروم راهنمایم

مین عقده ی غم باخما واریمدور اورگیمده

هر کیم قالا مشکلده اونا عقده گشایم

من میر حجازم، شه بطحا، مه یثرب

واردور عطش آثاری بلی خشک لبیمده

فیض ازلی منبعیم، آب بقایم

من زنده ی جاویدم اگر کشته ی عشقم

دین اهلی فدادور منه، من دینه فدایم

اقطاری دوتار مشعل اسلام فروغی

من بارقه ی حقّم اونا نور و ضیایم

تا واردی جهان سولمیه جاق گلشن توحید

بو گلشنه من قانیمیله لطف و صفایم

عیسی دگولم وارث عیسای مسیحم

او روح خداونددی، من عین خدایم

من مفترضُ الطّاعه امامم ثقلِینه

هرچند که بو امّته مقتول جفایم

ای لطفی نصارایه ویرن عزّت اسلام

لطف ایله شها بنده ی محتاج عطایم

گر اولمیه سن دادرسیم روز جزاده

ایوای منیم حالیمه چون غرق خطایم

گویا اولالی اسمیوه فیروزیدی بختیم

مستغنیم ارچند فقیر الشّعرایم

سندنصورا یوخ کیمسه دن اِنعام امیدیم

من «عابدم» ای شاه بو درگاهه گدایم

شادم که «علی» خادم و مدّاحیویله من

هر محفل ماتمده سنه نوحه سرایم