اروجلوق بایرامی گلدی بشارت سیزلره یاران

بیر آی پاداشنی پروردگار ایستیر ویره الان


اروجلوق بایرامی گلدی بشارت سیزلره یاران

بیر آی پاداشنی پروردگار ایستیر ویره الان

بیر آی اولدوخ قوناق اللهین امرین ایلدوق اجرا

اولا مین شوکر توفیق عبادت ایلدی احسان

قوشولدوخ بیزده ابراره هوای نفسی خوار ایتدوق

اروج دوتدوخ عبادت ایلدوق اولدو نقدر امکان

اگر چی هئچ عبادت شانینه لایق اولا بیلمز

باغشلار بنده نین تقصیرینی  اول ایزد منان

گتورمز بنده نین عیبین یوزه ستار و رحماندور

باغشلار هر نقدر اولسا گناهی قارد و منان

بو درگهده قوناقیله قوناقه فرق قویماز

اولاراحوالینه  شامل  قوناقین  رحمت و احسان

نه ایستیرسن گل ایسته  خرمن غفران و رحمتدی

بیره مین اجریوی ویرسین  قوتارسین جانیوی اوتدان